| e-texts navigator |
| Wylie |
41a1 སློབ་ཅིང་དེ་བཞིན་ཉིད་ཀྱིས་མི་རྟོག་རྣམ་པར་མི་རྟོག་སྟེ། དེ་ལྟར་དགོན་པ་ལ་གནས་པ་དེའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ།། ཁྱིམ་བདག་དེ་ལྟར་ན་བྱུང
41a2 ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པ་ཚོགས་ཆུང་ངུས་ཕ་རོལ་ཏུ་ཕྱིན་པ་དྲུག་བསྒོམ་པ་ཡོངས་སུ་རྫོགས་པར་འགྱུར་རོ།། ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བ་ཆོས
41a3 བཞི་དང་ལྡན་ན། དགོན་པ་ལ་གནས་པར་གནང་བ་ཡིན་ནོ།། བཞི་གང་ཞེ་ན། ཁྱིམ་བདག་འདི་ལ་བྱང་ཆུབ་སེམས་དཔའ་རབ་ཏུ་བྱུང་བ་མང་དུ་ཐོས་པ་ཡིན་ཏེ། ཐོས་པ་འཛིན་པ་ཆོས་རྣམ་པར་ངེས་པ་ལ་མཁས།
41a4 པ་ཚུལ་བཞིན་ཡིད་ལ་བྱེད་པ་ལ་བརྩོན་ཞིང་ཆོས་དང་ཆོས་ཀྱི་རྗེས་སུ་མཐུན་པར་སྒྲུབ་པ་དེ་ས་དགོན་པ་ལ་གནས་པར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་ཉོན་མོངས་པའི་ཤས
41a5 ཆེ་ན་དེས་ཉོན་མོངས་པ་རྣམས་ཞི་བར་བྱ་བའི་ཕྱིར་འགྲོགས་པ་མེད་པར་དགོན་པ་ལ་གནས་པར་བྱ་སྟེ། དེས་ཉོན་མོངས་པ་ཚར་གཅད་པར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ།
41a6 ནི་མངོན་པར་ཤེས་པ་ལྔ་པོ་དག་ཐོབ་པ་ཡིན་ཏེ། དེས་ལྔ་དང་། ཀླུ་དང་། གནོད་སྦྱིན་དང་། དྲི་ཟ་རྣམས་ཡོངས་སུ་སྨིན་པར་བྱ་བའི་ཕྱིར་དགོན་པ་ལ་གནས་པར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔ
41a7 རབ་ཏུ་བྱུང་བས་སངས་རྒྱས་ཀྱིས་དགོན་པ་ལ་གནས་པར་བཀའ་སྩལ་བར་ཤེས་ནས་དགོན་པ་ལ་གནས་པར་བྱ་སྟེ། དེར་དགེ་བའི་ཆོས་ཐམས་ཅད་ཡོངས་སུ་རྫོགས་པར་འགྱུར་རོ།། དགེ་བའི་རྩ་བས་ཉེ་བར་བརྟེན་ནས་ཕྱིལ
iiif viewer powered by OpenSeadragon
