| e-texts navigator |
| Wylie |
99b1 བར་དུའོ།། ཆུན་མ་ལ་ནི་བུ་མོའི་འདུ་ཤེས་འཇོག་ལ་ཞེས་བྱ་བ་ནས། སྔ་མ་ཟིལ་གྱིས་གནོན་པ་ཡིན་པས། སྔ་མ་གང་ཡིན་པ་ལ་འདྲི་བར་ཡང་མི་བྱེད་དོ་ཞེས་བྱ་བའི་བར་དུའོ།། བདག་འདི་ལྟར་ཅིའི་ཕྱིར་འདུག
99b2 ཅེས་བྱ་བ་ནས། དེས་ཁྱོད་ལ་སྨྲས་པ། བདག་སྐྱབས་སུ་མཆི་ཞིང་བསླབ་པའི་གཞི་ལེན་དུ་མཆི་ཡིས། མཁྱེན་པར་མཛོད་ཅིག་ཅེས་སྦས་པ་དང་། དེས་ཀྱང་གནང་ངོ་།། དེ་ཡང་སྐྱབས་སུ་སོང་ནས་བསླབ་པའི
99b3 བཞི་བླང་བར་བྱས་སོ།། དེ་ནས་མེ་དེ་སེམས་པ་ལ་ཞུགས་པ་ན་འདི་སྙམ་དུ། འདི་ལྟར་བདག་གིས་ཡོན་གནས་ནི་འདི་ཡིན་ནོ་ཞེས་བསམས་ཏེ་ཞེས་བྱ་བ་ནས།། མེ་ཏོག་དང་། འབྲས་བུ་དང་། བཟའ་བ་ཆེས
99b4 སྔར་སྦྱིན་པར་བྱེད་ཅིང་། ཕྱིས་ནི་ཆུན་མ་དེ་ལའོ་ཞེས་བྱ་བའི་བར་དུའོ།། དེས་འདི་སྙམ་དུ་ཁྱིམ་གྱི་བྱ་བ་ཅུང་ཟད་གང་ཡིན་པ་དེ་དག་ཐམས་ཅད་ནི་བདག་བྱེད་ལ། འདི་ནི་ཉལ་ཞིང་ཟ་བ་ཡིན་པ་སྙམ་དུ་བསམས་ཏེ་ཞེས
99b5 བྱ་བ་ནས། མི་དེས་ཆུན་མ་ལ་ཀུན་ཏུ་སྦྱོར་བ་བྱ་བའི་ཕྱིར་བོས་པ་དང་ཞེས་བྱ་བ་ནས། དེས་སྨྲས་པ། ཆེན་མ་དང་ལྷན་ཅིག་མཛོད་ཅིག་ཅེས་སྨྲས་པའི་བར་དུའོ།། བསྒྲུབ་པའི་གཞི་བླངས་སོ་ཞེས་བྱ་བ་ནས།
99b6 མོངས་པ་ནི་ཤིན་ཏུ་སྟོབས་ཆེ་བ་ཉིད་ཀྱི་ཕྱིར་ཆུང་མ་སྔ་མའི་གན་དུ་སོང་སྟེ་འཁྱུད་པ་དང་། དེས་སྨྲས་པ། རྗེའི་སྲས་ཁྱོད་ཀྱིས་བདག་འདི་ལྟར་བསླབ་པའི་གཞི་ལེན་པར་གནང་བར་བགྱིས་པ་ཉིད་མ་ལགས
99b7 སམ། ད་ལྟར་གྱི་འདི་ལྟ་བུ་ནི་རུང་བ་མ་ལགས་སོ།། དེས་དེ་ལ་ནན་གྱིས་དགའ་མགུར་སྤྱད་དོ་ཞེས་བྱ་བའི་བར་དུའོ།། དེའི་ཚེ་ཆུན་མར་གྱུར་པ་གང་ཡིན་པ་དེ་ནི་སེར་སྐྱའི་བུ་མོ་བཟང་མོ་འདི་ཡིན་ཏེ
iiif viewer powered by OpenSeadragon
