| e-texts navigator |
| Wylie |
98b1 བུའི་ཆོས་ཁོང་དུ་ཆུད་པར་འགྱུར་བ་དང་། འདི་བས་ཆེས་ཁྱད་པར་འཕགས་པའི་སྟོན་པ་མཉེས་པར་བགྱིད་ཀྱི། མི་མཉེས་པར་བགྱིད་པར་མ་གྱུར་ཅིག་ཅེས་བྱས་སོ།། དགེ་སློང་དག་དེའི་ཚེ་ཚོང
98b2 དཔོན་གང་ཡིན་པ་དེ་ནི་འོད་སྲུངས་ཆེན་པོ་འདི་ཡིན་ནོ།། དེའི་ཚེ་དེའི་དུས་ན་ཚོང་དཔོན་གྱིས་ཆུང་མ་གང་ཡིན་པ་དེ་ནི་སེར་སྐྱའི་བུ་མོ་བཟང་མོ་འདི་ཉིད་ཡིན་པར་གྱུར་ཏོ་ཞེས་བྱ་བ་ནས། ཡུང་གིས་བྱུགས
98b3 པས་གསེར་གྱི་མདོག་ཏུ་གྱུར་ཏོ་ཞེས་བྱ་བའི་བར་དྲང་། དགེ་སློང་དག་དེ་ལྟར་བསླབས་པར་བྱའོ་ཞེས་བྱ་བའི་བར་དུའོ།། ཡང་དགེ་སློང་དག་ཅེས་བྱ་བ་ནས། བཅོམ་ལྡན་འདས
98b4 བཟང་མོས་ལས་ཅི་ཞིག་བགྱིས་ན། འོད་སྲུངས་ཆེན་པོ་དང་ལྷན་ཅིག་ལོ་བཅུ་གཉིས་ཀྱི་བར་དུ་མལ་གཅིག་ན་མཆིས་པའི་ཚེ་ཡང་འཁྲིག་པའི་སྦྱོར་བ་མ་བགྱིས་པར་གྱུར་ཅེས་བྱ་བའི་བར་དུའོ།།
98b5 དགེ་སློང་དག་དེ་གཉིས་ཀྱིས་ལས་བྱས་ཤིང་ཞེས་བྱ་བ་ནས། གྲོང་ཁྱེར་ཝཱ་རཱ་ཎཱ་སི་ན། རྒྱལ་པོ་ཚངས་བྱིན་ཞེས་བྱ་བ་རྒྱལ་སྲིད་བྱེད་དོ་ཞེས་བྱ་བའི་བར་དུའོ།། རེ་ཞིག་ན་རྒྱལ་པོའི་ཕོ་ཟང་དེ་ན
98b6 གཟུགས་ཀྱིས་འཚོ་བ་བཟང་མོ་ཞེས་བྱ་བ་སྒྱུ་རྩལ་དྲུག་ཅུ་དང་ལྡན་པ། ཀར་ཤ་པ་ཎ་ལྔ་བརྒྱ་ལས་མི་ཉུང་བར་སྤྱོད་པ་ཞིག་གནས་སོ།། དེ་ནས་དུས་ཞན་ཞིག་ན། རྒྱལ་པོའི་ཕོ་བྲང་དེའི་ངག་འདུན
98b7 པ་ལྔ་བརྒྱ་རྣམས་ཀྱིས་བཟའ་བ་དང་བཏུང་བ་རབ་ཏུ་མང་པོ་ཁྱེར་ཏེ་ཞེས་བྱ་བ་ནས།། རྒྱལ་པོའི་བུས་ཁྲིད་དེ་སོང་ངོ་ཞེས་བྱ་བའི་བར་དུའོ།། རེ་ཞིག་ན་དགའ་འདུན་པ་རྣམས་ཀྱིས་རང་སངས་རྒྱས
iiif viewer powered by OpenSeadragon
