| e-texts navigator |
| Wylie |
97a1 མོ་བཟང་མོ་འདི་ཡིན་ནོ།། དེ་ལ་པདྨ་ཕུལ་བ་གང་ཡིན་པ་དེའི་ལས་ཀྱིས་རྣམ་པར་སྨིན་པས། འདོད་ཆགས་ཆུང་བར་གྱུར་ཏོ།། ཡང་བཅོམ་ལྡན་འདས་ལ
97a2 དགེ་སློང་རྣམས་ཀྱིས་གསོལ་པ། བཅོམ་ལྡན་འདས་སེར་སྐྱའི་བུ་མོ་བཟང་མོས་ལས་ཅི་ཞིག་བགྱིས་ཤིང་བསགས་ནག་གང་གི་སླད་དུ་དེས་འཛམ་བུ་ཆུ་བོའི་གསེར་ལས་བགྱིས་པའི་གཟུགས་བརྙན་རང་།
97a3 གི་འོད་ཀྱིས་མོག་མོག་པོར་བགྱིས་པར་གྱུར།། བཅོམ་ལྡན་འདས་ཀྱིས་བཀའ་སྩལ་པ།། དགེ་སློང་དག་འདི་ཉིད་ཀྱིས་ལས་གང་དག་བྱས་ཤིང་བསགས་པ་ཞེས་བྱ་བ་རྒྱས་པར་བྱའོ།། དགེ་སློང་དག་སྔོན་བྱུང་།
97a4 བ་འདས་པའི་དུས་བསྐལ་པ་དགུ་བཅུ་རྩ་གཅིག་ན། སྐྱེ་དགྲ་རྣམས་ཀྱིས་ཚེ་ལོ་བརྒྱད་ཁྲི་ཐུབ་པ་ན། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཞེས་བྱ་བ་ནས། སངས་རྒྱས་བཅོམ་ལྡན
97a5 བདས་ཞེས་བྱ་བའི་བར་བྱུང་ངོ་།། དེ་གང་གི་ཚེ་བླ་ན་མེད་པ་ཡང་དག་པ་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ། རྒྱལ་པོའི་ཕོ་བྲང་གཉེན་ལྡན་དུ་བྱོན་ནས་ཞེས་བྱ་བ
97a6 ནས་ཀརྒྱལ་པོའི་ཕོ་བྲང་དུ་ཞལ་ཟས་ཡོངས་སུ་ལོངས་སྤྱོད་པར་ཞུགས་སོ་ཞེས་བྱ་བའི་བར་དུའོ།། དེ་དེར་བྱོན་པ་དང་། རེ་ཞིག་ན་བུ་མོ་ཞིག་རྔ་ཡབ་འཛམ་བུའི་ཆུ་བོའི་གསེར་གྱི་ཡུ་བ་ཅན་ཞིག
97a7 ཐོགས་ནས་ཀསྣམ་ལོགས་སུ་འདུག་སྟེ་གཡོབ་པ་ན། སངས་རྒྱས་ཀྱི་འོད་ཀྱིས་འཛམ་བུའི་ཆུ་བོའི་གསེར་མོག་མོག་པོར་བྱས་སོ།། ཇི་ཙམ་ན་བུ་མོ་དེ་འདི་སྙམ་དུ་བདག་ལྕགས་ལས་བྱས་པའི་ཡུ
iiif viewer powered by OpenSeadragon
