| e-texts navigator |
| Wylie |
95a1 བདག་གིས་ཞེས་བྱ་བའི་བར་དུའོ།། དེས་ཀྱང་དེ་དག་ལ་བདག་དེ་རིང་འོང་ངོ་ཞེས་དུས་བཏབ་པ་དང་། དེ་དག་གིས་ཁྱོད་གང་དུ་འོང་། ཁོ་བོ་ཅག་གར་འོང་ཞེས་དྲིས་སོ།།
95a2 དེས་ཀྱང་གྲོང་ཁྱེར་འདི་ནས་ཧ་ཅང་ཡང་མི་རིང་བ་ཞིག་ན། ཤིང་ནྱ་གྲོ་དྷ་གནམ་འཕང་དུ་མཐོ་བ། ཡལ་ག་རབ་ཏུ་འཕྱང་བཀལོ་མ་སྡུག་པོ་ཡོད་པར་དེང་ལ། ཤིང་དེ་ལ་འཛེགས་ཏེ་འདུག་ཅིག་དང་།
95a3 བདག་དེའུ་རེ་འོང་ངོ་ཞེས་སོ་སོར་བསྟན་ནས། དེ་ཁྱོལ་སྐབས་ཚོལ་ཞིང་འདུག་གོ།། དེས་ཀྱང་དེ་ལ་འདི་ནི་འདི་ལྟར་སེམས་སོ་ཞེས་བྱ་བར་འཕྲིགས་ནསཀ་དེས་དེ་བརྡེགས་ནས་ཀ་བ་ལ་བཅིངས་སོ།།
95a4 དེ་ན་གཅིག་ལ་སྨྲས་པ། སོང་ལ་ཤིང་དེ་ལ་འཛེགས་ཏེ། ཤར་ཕྱོགས་ཀྱིས་ཤིང་གི་ཡལ་ག་ལ་འཛེགས་ལ་འདུག་ཅིག་དང་། བདག་དེའུ་རེ་འོང་ངོ་ཞེས་བྱས་པ་དང་ཀདེ་དགའ་མགུ་ནས། དེ་བཞིན
95a5 དུ་བྱས་སོ།། དེ་བཞིན་དུ་རྒྱས་པར་བརྗོད་དོ།། གཉིས་པ་ནི་ཤིང་དེའི་ལྷོ་ཕྱོགས་ཀྱི་ཡལ་ག་ལ་འཛེགས་ཏེ་འདུག་གོ།། གསུམ་པ་ནི་ནུབ་ཕྱོགས་ཀྱི་ཡལ་ག་ལ་འཛེགགས་ཏེ་འདུག་གོ། བཞི་པ་ནི
95a6 བྱང་ཕྱོགས་ཀྱི་ཡལ་ག་ལ་འཛེགས་ཏེ་འདུག་གོ།། མཆོག་ཏུ་བཀྲབས་པ་དེས་ཀྱང་དེ་བཞིན་དུ་བྱས་ཏེ། ཤིང་དེའི་དབུས་ཀྱི་ཡལ་ག་ལ་འཛེགས་ཏེ་འདུག་གོ།། དེ་ནས་དེ་རྣམས་དེ་ན་མཚན་གཅིག
95a7 ཏུ་ལྷག་པས་བྲེད་བཞིན་དུ་དེ་འོང་ངོ་སྙམ་པ་ལས། ནམ་ནངས་ཀྱིས་བར་དུ་བུད་མེད་དེ་ཡང་མ་འོངས་སོ།། མཚན་མོ་ཟད་དེ་ནམ་ནངས་པ་དང་། ཤར་ཕྱོགས་ཀྱི་ཡལ་ག་ལ་འདུག་པ་དེས་ཚིགས་སུ
iiif viewer powered by OpenSeadragon
