| e-texts navigator |
| Wylie |
84a1 ཁས་ལོང་ཞིག། ང་ཡང་འོད་མ་ཅན་གྱིས་ཉེ་འཁོར་དྲུང་འདི་ཉིད་དུ་ཞམ་འབྲང་བ་དགེ་སློང་ཀུན་དགའ་བོ་དང་དབྱར་གནས་ཀྱིས། ཐམས་ཅད་དུ་བསོད་སྙོམས་ཀྱིས་ཉོན་མོངས
84a2 པར་གྱུར་ན་མི་རུང་ངོ་ཞེས་བྱ་བ་ནས། དགེ་སློང་དག་ཆུ་ཀླུང་ཡིད་འོང་ལྡན་གྱི་འགྲམ་ན་ཉེ་དུ་ཡོད་པའི་གན་དུ་སོང་སྟེ། ཆུ་ཀླུང་ཡིད་འོང་ལྡན་གྱི་འགྲམ་དུ་བརྟེན་ནས། དབྱར་གནས་པར་ཁས་བླངས་སོ་ཞེས་བྱ་བ་ནས།།
84a3 ཉེ་རུ་རྣམས་ཀྱིས་མདུན་དུ་ཡོན་ཏན་བསྒྲགས་པར་བྱའོ་ཞེས་བྱ་བའི་བར་དུའོ།། འདུས་པ་དང་། འདུས་པ་ཆེན་པོ་གཉིས་ཏེ། གཅིག་ནི་དབྱར་ཟླ་འབྲིང་པོ་ཉལ་དབྱར་ཉེ་བར་བསྒྲུབ་པའི་ཚེའོ་ཞེས་བྱ་བའི་བར་དུའོ།།
84a4 ཡངས་པ་ཅན་གྱིས་གྲོང་ཁྱེར་གྱི་ཉེ་འཁོར་དང་། སྤོང་བྱེད་ཀྱི་གྲོང་ཁྱེར་དུ་དབྱར་གནས་པར་ཁས་བླངས་པའི་དགེ་སློང་རྣམས་དབྱར་འདས་ཏེ་འོངས་པ་དང་ཞེས་བྱ་བའི་བར་དང་། ཚེ་དང་ལྡན་པ་ཀུན་དགའ་བོས་ཚིག
84a5 གིས་བསུ་སྟེ་ཞེས་བྱ་བའི་བར་དུའོ།། ཆུ་ཀླུང་ཡིད་འོངས་ལྡན་གྱིས་འགྲམ་ནས་འོངས་པ་རྣམས་ལ། ཚིག་གིས་བསུ་སྟེ་ཞེས་བྱ་བ་ནས། ཚོ་བ་དང་། པགས་པ་དང་། ཤ་དང་། ཁྲག་གིས་རྒྱས་པ་ཞེས་བྱ་བའི་བར
84a6 དང་། ཚེ་དང་ལྡན་པ་ཀུན་དགའ་བོས་དྲིས་པ་ཞེས་བྱ་བ་ནས། ཡང་དག་པ་མ་ཡིན་པས་སོ་ཞེས་བྱ་བའི་བར་དུའོ།། དེས་དགེ་སློང་རྣམས་ལ་སྨྲས་སོ།། དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་བ་ནས།
84a7 དགེ་སློང་དག་གསུམ་པོ་འདི་དག་ནི་འཇིག་རྟེན་ན་ཡོད་པའི་རྐུན་པོ་ཡིན།། རྐུན་པོ་ཆེན་པོ་ཡིན་ཏེ།། གསུམ་གང་ཞེ་ན། དགེ་སློང་དག་འདི་ན་རྐུན་པོ་འཁོར་བརྒྱད་དང་ལྡན་པ། འཁོར་སྟོང་དང་ལྡན་པ། འཁོར་བ
iiif viewer powered by OpenSeadragon
