| e-texts navigator |
| Wylie |
83a1 གཟིགས། ཀུན་ཏུ་གཟིགས་ནས་དགོངས་པ། ཆུ་སྲིན་ཉའི་རིགས་ངན་སོང་ལ་གཞོལ་བ། ངན་སོང་ལ་འབ་པ། ངན་སོང་ལ་བབ་པ། སྔོན་གྱི་སངས་རྒྱས་དག་ལ་བྱ་བ་ལྷག་པར
83a2 བྱས་པ་ཡིན་ཡང་། ད་ལྟར་སངས་རྒྱས་འབྱུང་བ་དང་བྲལ་བར་གྱུར་པ་ཀ་ལོ་སྟོང་ཕྲག་མང་པོར་སེམས་ཅན་དམྱལ་བ་རྣམས་སུ་སྡུག་བསྔལ་མྱོང་བར་གྱུར་པ་ཡིན་གྱིས། ངས་ཆུ་སྲིན་ཉའི་རིགས་འདི་ལ་བརྟེན
83a3 ཏེ། གདུལ་བྱའི་ཚོགས་ཆེན་པོ་དྲང་བར་བྱ་ག། སེམས་ཅན་རྣམས་ཀྱང་ལས་བདག་གིར་བྱ་བ་མངོན་སུམ་དུ་བྱས་སུ་དེའི་ཕྱིར་ཆུ་ཀླུང་ཡིད་འོང་ལྡན་གྱི་འགྲམ་དུ་གཤེགས་སོ་སྙམ་དུ་དགོངས་སོ།། སངས་རྒྱས
83a4 བཅོམ་ལྡན་འདས་རྣམས་ནི་ཆོས་ཉིད་ཀྱིས་གདུལ་བའི་སྐྱེ་བོ་རྣམས་ལ་ཐུགས་བརྩེ་བ་ཡིན་པས། དུས་དུས་སུ་སེམས་ཅན་དམྱལ་བར་རྒྱུར་གཤེགས་པ་དང་། དུད་འགྲོའི་ནང་དུ་རྒྱུ་བ་དང་། ཡི་དགས་ཀྱི་ན
83a5 དུ་རྒྱུ་བ་དང་། ལྷའི་ནང་དུ་རྒྱུ་བ་དང་། ལྗོངས་རྒྱུར་གཤེགས་སོ།། དུས་དུས་སུ་རི་དང་། དུར་ཁྲོད་དང་། ཆུ་ཀླུང་དང་། གཙུག་ལག་ཁང་དུ་རྒྱུར་གཤེགས་སོ།། དོན་འདིར་ནི་སངས་རྒྱས་བཅོམ་ལྡན་འདས
83a6 ཆུ་ཀླུང་དུ་རྒྱུར་གཤེགས་པར་བཞེད་དེ། འཛུམ་པ་མཛད་ནས་ཞེས་བྱ་བའི་བར་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དགེ་སློང་དག་དེ་བཞིན
83a7 གཤེགས་པ་ཆུ་ཀླུང་དུ་རྒྱུར་གཤེགས་པར་བཞེད་ཀྱིས། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཏུ་ཆུ་ཀླུང་དུ་འགྲོ་བར་སྤྲོ་བ་དེས་ཆོས་གོས་དག་ལོང་ཞིག་ཅེས་སྒོ་ཞིག་ཅེས་བྱ་བ་ནས
iiif viewer powered by OpenSeadragon
