| e-texts navigator |
| Wylie |
82b1 དབྱིག་དང་བྲལ་བ་ནི།། འཕགས་པའི་ནོར་གྱིས་དབང་ཕྱུག་ལ་གཞག་པར་བྱ། གང་ནི་མིའི་འབྲས་བུ་ལ་གནས། གང་ནི་སངས་རྒྱས་ཀྱིས་འདུལ།། གང་ནི་ཉན་ཐོས་ཀྱིས་འདུལ། གང་ནི་སངས་རྒྱས་དང་ཉན་ཐོས།
82b2 ཀྱིས་འདུལ། གང་ནི་འདོད་ཆགས་ལ་སྤྱོད། གང་ནི་ཞེ་སྡང་ལ་སྤྱོད། གང་ནི་གཏི་མུག་ལ་སྤྱོད། གང་ནི་འདོད་ཆགས་དང་། ཞེ་སྡང་དང་། གཏི་མུག་ལ་སྤྱོད། གང་ནི་ཉེས་པ་རྣམས་ཀྱིས་གནོད་པར་གྱུར། གང
82b3 ནི་ངན་སོང་ལ་གཞོལ། གང་ནི་ངན་སོང་ལ་འབབ། གང་ནི་ངན་སོང་ལ་བ་བ། ངས་གང་ནི་ངན་སོང་ལས་བསླང་སྟེ། མཐོ་རིས་དང་། ཐར་པ་དང་། འབྲས་བུ་ལ་རབ་ཏུ་གཞག་པར་བྱ།། ཉེས་པར་སྤྱོད་པའི
82b4 འདམ་དུ་བྱིང་བ་གང་གི་ལག་ནས་ནི་དྲང་བར་བྱ།། གང་གིས་སངས་རྒྱས་འབྱུང་བས་བརྒྱན་པའི་འཇིག་རྟེན་ནི་འབྲས་བུ་དང་བཅས་པར་བྱ་ཞེས་མཁྱེན་པ་དང་གཟིགས་པ་འཇུག་གོ།། ཡང་སྨྲས་པ། རྒྱ་མཚོ་ཆུ
82b5 སྲིན་རྣམས་ཀྱིས་གནས།། དུས་ལས་འདའ་བར་འགྱུར་སྲིད་ཀྱི།། གདུལ་བྱ་ལ་བྱམས་སངས་རྒྱས་ནི།། དུས་ལས་འདའ་བར་མི་མཛད་དོ།། ཇི་ལྟར་མ་ནི་བུ་སྡུག་གཅིག་པུ་ལ།། རྟོག་ཅིང་དེ་སྲོག་སྲུང་བར།
82b6 བྱེད་པ་ལྟར།། དེ་བཞིན་གཤེགས་པའང་གདུལ་བའི་སྐྱེ་བོ་ལ།། རྟོག་པར་མཛད་ཅིང་དེ་སྲོག་སྲུང་བར་མཛད།། ཀུན་མཁྱེན་རྒྱུད་ལ་མངའ་བའི་ཐུགས་རྗེ་ཡི།། བ་བཞོན་གདུལ་བྱའི་བུ་ཚོལ་མི་སྐྱོ་སྟེ།།
82b7 སྲིད་དང་ངན་འགྲོས་ཉམས་ལ་བྱམས་པ་ནི།། བེའུ་སྡུག་སྟོར་ལ་བྱམས་པའི་བ་བཞོན་བཞིན།། དེ་ནས་བཅོམ་ལྡན་འདས་ཀྱི་ཡེ་ཤེས་གཟིགས་པ་སྒྲིབ་པ་མི་མངའ་བའི་སྤྱན། སངས་རྒྱས་ཀྱིས་སྤྱན་གྱིས
iiif viewer powered by OpenSeadragon
