| e-texts navigator |
| Wylie |
71b1 བཤང་བའི་ལམ་མམ། མོ་མཚན་དུ་བཅུག་ན། དགེ་སློང་མ་དེ་ཕས་ཕམ་པར་གྱུར་པ་ཡིན་པས། གནས་པར་མི་བྱའོ།། ཇི་ལྟར་མི་དང་ལྷན་ཅིག་གནས་གསུམ་གྱིས་སྟེན་པར་བྱེད་པ་དེ་བཞིན་དུ་མི་མ
71b2 ཡིན་པ་དང་། དུད་འགྲོའི་སྐྱེ་གནས་སུ་སྐྱེས་པ་དང་ལྷན་ཅིག་ཏུ་བསྟེན་ན་ཡང་ཐམས་ཅད་དུ་ཕས་ཕམ་པར་འགྱུར་རོ།། ཡང་དགེ་སློང་མ་གང་ཞིག་སེམས་བསྟེན་པ་ལ་གཞོལ་བ་དང་། སྟེན་པ་ལ་འབབ
71b3 དང་། སྟེན་པ་ལ་བབ་པར་གྱུར་པས་མེ་མཚན་བར་ཆད་དང་བཅས་པ་བར་ཆད་དང་བཅས་པ་དང་། བར་ཆད་དང་བཅས་པས་བར་ཆད་མེད་པ་དང་། བར་ཆད་མེད་པས་བར་ཆད་དང་བཅས་པ་དང
71b4 བར་ཆད་མེད་པས་བར་ཆད་མེད་པར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ན། ཐམས་ཅད་དུ་ཕས་ཕམ་པར་འགྱུར་རོ།། དེ་ལྟར་འདིར་དགེ་སློང་གི་ཕས་ཕམ་པ་དང་པོའི་དངོས་པོ་ཇི་ལྟ་བ
71b5 བཞིན་དུ་། དགེ་སློང་མ་ཞེས་བརྗེ་བ་བྱས་ཏེ། འདིར་རྒྱས་པར་བརྗོད་པར་བྱའོ།། བདག་གིས་ནི་ཧ་ཅང་སྤྲོད་པས་འཇིགས་པའི་ཕྱིར་མ་བྲིས་སོ།། ཕས་ཕམ་པར་འགྱུར་བ་དང་པོ་མདོར་བསྡུས
71b6 པ་རྫོགས་ཏེ། རྒྱས་པར་ནི་དགེ་སློང་གི་སོ་སོར་ཐར་པ་དང་རྣམ་པར་འབྱེད་པ་བཞིན་ནོ།། ། སངས་རྒྱས་བཅོམ་ལྡན་འདས་འོད་མའི་ཚལ་བྱ་ཀ་ལན་ཏ་ཀའི་གནས་ན་བཞུགས
71b7 སོ།། དེའི་ཚེ་སྔོན་རྫ་མཁན་དགེ་སློང་ནོར་ཅན་རྒྱལ་པོའི་ཁབ་ན་དགོན་པའི་སྤྱིལ་བུ་ན་གནས་སོ།། དེ་ནས་སྔོན་རྫ་མཁན་དགེ་སློང་ནོར་ཅན་རྒྱལ་པོའི་ཁབ་ཏུ་སྤྱོད་ཡུལ་དུ་ཞུགས་པ་དང་། རྒྱལ་པོའི
iiif viewer powered by OpenSeadragon
