| e-texts navigator |
| Wylie |
69b1 ཚིག་གི་ལམ་དང་། སྨྲ་བའི་ཚིག་དང་། ངག་གིས་ལས་དང་། ངག་གི་རྣམ་པར་རིག་བྱེད་ཀྱིས་འདི་སྐད་ཅེས་བདག་བསླབ་པ་གཏོང་ངོ་ཞེས་སྨ་ན། བསླབ་པ་ཕུལ་བར་བརྗོད་པར་བྱ་སྟེ། འཛིན
69b2 བསླབ་པ་ཉམས་པ་མ་བྱས་ལ། བསླབ་པ་ཕུལ་བ་ཡིན་ནོ།། ཇི་ཙམ་གྱིས་ན་བསླབ་པ་ཉམས་པར་ཡང་བྱས་ལ། བསླབ་པ་ཕུལ་བ་ཡང་ཡིན་ཞེ་ན། འདི་ལྟ་སྟེ། དགེ་སློང་མ་ཕྲད་པར་འདོད
69b3 པའམ། མངོན་པར་མི་དགའ་བ་འམ། རྣམ་པར་འཁྱམ་འདོད་ཅིང་དགེ་སྦྱོང་གི་ཚུལ་མི་འདོད་པ་འམ། དགེ་སྦྱོང་གི་ཚུལ་གྱིས་སྒྱིད་ལུག་པ་འམ། མུས་བྱུང་བ་འམ། ཐེ་ཚོམ་ཟ་བ་འམ།
69b4 སྨོད་པ་དེ་དགེ་སློང་མའི་དྲུང་དུ་ཉེ་བར་འོངས་ནས། འདི་སྐད་ཅེས་འཕགས་མ་དག་ཚངས་པར་སྤྱོད་པ་སྤྱད་དཀའ་འོ།། རབ་ཏུ་དབེན་པར་བྱ་དཀའ་འོ།། བདག་ཉིད་གཅིག་པུ་ལ་མངོན་པར
69b5 དགའ་བ་དཀའ་འོ།། གནས་མལ་དགོན་པ་དང་། ནགས་འདྲ་བ་དང་། བས་མཐའ་དག་ཏུ་གནས་པ་ཁོང་དུ་ཆུད་པར་དཀའ་འོ།། བདག་ཇི་སྲིད་འཚོའི་བར་དུ་མི་རྣམས་ཀྱིས་དགའ་བ་དང
69b6 དྲེང་མོ་རྣམས་དང་། བྲལ་བ་བྱས་པར་འགྱུར་རོ།། བདག་ཇི་སྲིད་འཚོའི་བར་དུ་རྩཝ་དང་། ལོ་མ་དང་། ཤིང་ལོ་བཏིང་བའི་མལ་བྱེད་པར་འགྱུར་རོ།། བདག་ཇི་སྲིད་འཚོའི་བར་དུ་གཞན་གྱི
69b7 ཁྱིམ་དུ་གཞན་གྱི་ངོར་བལྟ་དགོས་པར་འགྱུར་རོ།། བདག་ཇི་སྲིད་འཚོའི་བར་དུ་འདི་ལྟར་གཞན་ལས་ཆོས་གོས་དང་། བསོད་སྙོམས་དང་། མལ་སྟན་དང་། ནད་ཀྱི་གསོས་སྨན་དང་། ཡོ་བྱད་དག
iiif viewer powered by OpenSeadragon
