| e-texts navigator |
| Wylie |
67b1 པགང་ཡིན་པ་དེ་ནི་བསླབ་པ་མཚུངས་པ་ཞེས་བྱ་སྟེ། དེས་ན་བསླབ་པ་མཚུངས་པ་ཞེས་གསུངས་སོ།། གྱུར་པས་ཞེས་བྱ་བ་ནི་སོང་བས་སོ།། བསླབ་པ་མ་ཕུལ་ཞེས་བྱ་བ་ལ། ཇི་ཙམ་གྱིས་ན་བསླབ་པ་མ་ཕུལ་བ
67b2 ཡིན་ཞེ་ན། འདི་ལྟ་སྟེ། དགེ་སློང་མ་ཁྲོས་ཤིང་ཁྲོ་བའི་ཟིལ་གྱིས་ནོན་པས་བསླབ་པ་འབུལ་ན། བསླབ་པ་མ་ཕུལ་བར་བརྗོད་པར་བྱའོ།། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པས
67b3 བསླབ་པ་འབུལ་ན། བསླབ་པ་མ་ཕུལ་བར་བརྗོད་པར་བྱའོ།། ཟོས་པའམ་ཁྲོ་བའི་ཟིལ་གྱིས་ནོན་པའི་དྲུང་དུ་བསླབ་པ་འབུལ་ན། བསླབ་པ་མ་ཕུལ་བར་བརྗོད་པར་བྱའོ།། དགེ་སློང་མ་གླེན་མའི་དྲུང་དུ
67b4 བསླབ་པ་འབུལ་ན། བསླབ་པ་མ་ཕུལ་བར་བརྗོད་པར་བྱའོ།། གླེན་མ་ཇི་ལྟ་བ་བཞིན་དུ་ལྐུག་པ་དང་། འོན་མ་དང་། གཉིད་ཀྱིས་ལོག་པ་དང་། སྙོམས་པར་ཞུགས་པ་དང་། ལྷའི་གཟུགས་བརྙན་དང་།
67b5 སངས་རྒྱས་ཀྱིས་གཟུགས་བརྙན་དང་། མི་མ་ཡིན་པ་དང་། སྤྲུལ་པ་དང་། དུད་འགྲོར་གྱུར་པའི་དྲུང་དུ་བསླབ་པ་འབུལ་ན། བསླབ་པ་མ་ཕུལ་བར་བརྗོད་པར་བྱའོ།། དབུས་པ་མཐའ་འཁོབ་པའི་ཚིག་གིས
67b6 དབུས་པ་ལ་བསླབ་པ་འབུལ་བར་བྱེད་ལ། དབུས་པས་གལ་ཏེ་མཐའ་ཁོབ་པའི་ཚིག་སྨྲས་པ་དེ་མ་ཤེས་ན། བསླབ་པ་མ་ཕུལ་བར་བརྗོད་པར་བྱའོ།། དེ་བཞིན་དུ་མཐའ་འཁོབ་པ་དབུས་པའི་ཚིག
67b7 གིས་མཐའ་འཁོབ་པ་ལ་བ་སླབ་པ་འབུལ་བར་བྱེད་ལ། གལ་ཏེ་མཐའ་འཁོབ་པས་དབུས་པའི་ཚིག་དེ་མ་ཤེས་ན། བསླབ་པ་མ་ཕུལ་བར་རྗོད་པར་བྱའོ།། མཐའ་འཁོབ་པ་མཐའ་འཁོབ་པའི་ཚིག་གིས
iiif viewer powered by OpenSeadragon
