| e-texts navigator |
| Wylie |
67a1 ཉིད་དགེ་སློང་མར་ཁས་འཆེ་བ་ནི་ལས་འཆེ་བའི་དགེ་སློང་མ་ཞེས་བྱའོ།། ཐོང་བའི་ཕྱིར་དགེ་སློང་མག་བ་ཞེས་ན། གང་ཆོས་དང་ལྡན་པས་སློང་མོ་སྤྱོད་པས་འཚོ་བར་བྱེད་པ་དེན།
67a2 སློང་བའི་ཕྱིར་དགེ་སློང་མ་ཞེས་བྱའོ།། ཉོན་མོངས་པ་བཅོམ་པའི་ཕྱིར་དགེ་སློང་མ་གང་ཞེ་ན། གང་གི་ཟག་པ་ཀུན་ནས་ཉོན་མོངས་པར་བྱེད་པ། ཡང་སྲིད་པར་བྱེད་པ།། རིམས་ནད་དང་བཅས་པ་ཀ་རྣམ་པར།
67a3 སྨིན་པ་སྡུག་བསྔལ་བ། ཕྱི་མ་ལ་སྐྱེ་བ་དང་། རྒ་བ་དང་། འཆི་བར་འགྱུར་བ་གང་དག་ཡིན་པ་དེ་དག་སྤངས་པ་དང་། ཡོངས་སུ་ཤེས་པ་དང་། རྩ་བ་ནས་བཅད་པ་དང་། ཤིང་ཏཱ་ལའི་མགོ་བཞིན་དུ་གཞི་མི་སྣང་བ་དང་།
67a4 ཕྱི་མ་ལ་མི་སྐྱེ་བའི་ཆོས་ཅན་དུ་གྱུར་པ་དེ་ནི་ཉོན་མོངས་པ་བཅོམ་པའི་ཕྱིར་དགེ་སློང་མ་ཞེས་བྱའོ།། དོན་འདིར་ནི་གསོལ་བ་དང་བཞིའི་ལས་མི་གཡོ་བ་གཞག་པར་མི་འོས་པས་བསྙེན་པར་རྫོགས་པ་གང་ཡིན་པ་དེ་དགེ
67a5 སློང་མར་དགོངས་ཏེ། དེས་ན་ཡང་དགེ་སློང་མ་ཞེས་གསུངས་སོ།། དགེ་སློང་མ་རྣམས་དང་ལྷན་ཅིག་ཅེས་བྱ་བ་ནི། དེ་ལས་གཞན་པའི་ཆོས་མཐུན་པ་ཚངས་པ་མཚུངས་པར་སྤྱོད་པ་རྣམས་དང་ངོ་།།
67a6 བསླབ་པ་མཚུངས་པར་ཞེས་བྱ་བ་ནི། བསྲུབ་པ་གང་ལ་བསྙེན་པར་རྫོགས་ནས་ལོ་བརྒྱ་ལོན་པའི་དགེ་སློང་མས་བསླབ་པར་བྱ་བ་དེ་ལ། དེང་བསྙེན་པར་རྫོགས་པས་དང་། དེང་བསྙེན་པར་རྫོགས་པའི
67a7 གང་ཡིན་པ་དེ་ལ། བསྙེན་པར་རྫོགས་ནས་ལོ་བརྒྱ་ལོན་པས་ཀྱང་ངོ་ཞེས། འདི་ལ་ཚུལ་ཁྲིམས་ཉིད་ཀྱིས་མཉམ་པ་དང་། བསླབ་པ་ཉིད་ཀྱིས་མཉམ་པ་དང་། སོ་སོར་ཐར་པའི་མདོ་འདོན་པ་ཉིད་ཀྱིས་མཉམ
iiif viewer powered by OpenSeadragon
