| e-texts navigator |
| Wylie |
55b1 ལྕགས་གིས་རྐུབ་གཙོས་ནི་རྡོལ་བ་དང་། མི་རྣམས་ཀྱང་སྐྲ་དང་ཁ་སྤུ་ནི་རིང་། ལག་པ་དང་། རྐང་པ་ནི་སྲེར་ག་བྱུང་། གསོ་རས་དག་ནི་གྱོན། ལུས་ནི་སའི་རྡུལ་གྱིས་ཡོག། སྡོང་དུམ་ཚིག་པ།
55b2 ནི་འཇུག་འདྲེ་ལྟ་བུར་ནི་གྱུར་ཅིང་། གཤོལ་དང་། ཟོང་ལྕགས་དང་། སྤུང་དང་། གྲང་ལུག་གི་ཕྱིར་གཅིགས་གཅིག་ཁ་ཟེར་བ་དང་། རྡེག་པ་ལ་ཞུགས་ནས་ལས་བྱེད་པ་མཐོང་ངོ་།། མཐོང་ནས
55b3 ཀྱང་དེ་དེ་རྣམས་ཀྱིས་གན་དུ་སོང་སྟེ་འདི་སྐད་ཅེས་སྨྲས་སོ།། ཤེས་ལྡན་དག་སུ་ཡིན། བདག་ཅག་ནི་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱི་ལས་བྱེད་པ་ཡིན་ནོ།། དེས་འདི་སྐད་ཅེས་སྨྲས་སོ།། ཅི
55b4 ཁྱེད་ཅག་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས་བསྐོས་བསམ། དེ་རྣམས་ཀྱིས་འདི་སྐད་ཅེས་སྨྲས་སོ།། འདི་ལྟར་བདག་ཅག་དེས་བསྐོས་པ་ནི་མེད་ན།། འོན་ཀྱང་ཕས་དེའི་ཁྱིམ་གྱི་འཚོ་ཚིས
55b5 འདིས་བྱེད་དུ་བཅུག་གོ། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས། ཞིང་པ་དེ་རྣམས་ལ་འདི་སྐད་ཅེས་སྨྲས་སོ།། ཤེས་ལྡན་དག་གལ་ཏེ་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས་ཕས་ཁྱིམ
55b6 གྱི་འཚོ་ཆོས་འདི་བྱེད་དུ་བཅུག་ན། ཤེས་ལྡན་དག་ཅིའི་ཕྱིར་ཁ་ཟེར་བ་དང་། རྡེག་པ་ལ་ཞུགས་ནས་ལས་བྱེད། ཅིའི་ཕྱིར་འདི་ལྟ་བུའི་ལུས་དང་ངག་གི་སྤྱོད་པ་ཀུན་ཏུ་རྩོམ་པར་བྱེད།
55b7 ཁྱེད་དེའི་རྣམ་པར་སྨིན་པས་འཁོར་བར་ཡུན་རིང་པོར་སྡུག་བསྔལ་ཉམས་སུ་མྱོང་བར་མི་འགྱུར་རམ། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་འདི་སྙམ་དུ་བདག་གིས་ནི་ལུས་ཀྱིས་ཀྱང
iiif viewer powered by OpenSeadragon
