| e-texts navigator |
| Wylie |
55a1 པྲ་ཡི། སྐྱེས་པའི་ལག་པས་བུད་མེད་མཆོག་ལ་རེག་པར་མི་རུང་ངོ་།། གཞན་ཡང་མི་དབང་བུ་མོའི་ལུས་ཀྱིས་རེག་པ་ཡིས།། དཀའ་ཐུབ་ཆེན་པོར་ཅན་དཀའ་ཐུབ་།
55a2 ལྷག་སྤྱོད་རླུང་གི་ལམ་ནས་མི་དབང་གི། ཁྱིམ་དུ་འོངས་ནས་ནགས་སུ་རྐང་པས་སོང་།། དེ་ནས་དེ་དག་དེ་ལྟར་འཁོད་པ་ལས།། དུས་གཞན་ཞིག་ན་ཕ་མ་གཉིས་ཤིའོ།། དེ་ནས་བྲམ་ཟེའི
55a3 ཁྱེའུ་ནྱ་གྲོ་དྷ་སྐྱེས་ཀྱིས་བསམས་པ། གང་གི་ཚེ་ཕ་མ་གཉིས་གསོན་པ་དེའི་ཚེ་ནི་བདག་ཅག་སྙིང་ལས་ཆུང་ངུར་འཁོད་འཁོད་ན། ད་ནི་བདག་གི་ཕ་མ་གཉིས་ཤི་བས་དེའི་ཕྱིར། བདག
55a4 ཅག་གིས་རང་གི་ཁྱིམ་གྱིས་འཚོ་ཚིས་བསྒྲུབ་པར་བྱ་བ་ཡིན་ནོ་སྙམ་དུ་བསམས་ནས། སེར་སྐྱའི་བུ་མོ་བཟང་མོ་ལ་འདི་སྐད་ཅེས་སྨྲས་སོ།། བཟང་མོ་གང་གིས་ཚེ་བདག་གི་ཕ་མ་གཉིས
55a5 གསོན་པ་དེའི་ཚེ་ནི་བདག་ཅག་སྙིང་ལས་ཆུང་ངུར་འཁོད་འཁོད་ན། ད་ནི་བདག་ཅག་གི་ཁྱིམ་གྱི་འཚོ་ཚིས་རྗེས་སུ་བསམ་དགོས་པས། བཟང་མོ་རེ་ཞིག་ཁྱོད་ཀྱིས་ནི་ཁྱིམ་གྱིས་ལས་ཀྱི་མཐའ
55a6 ལ་ལྟོས་ཤིག། ང་ཡང་གྲོང་གི་ཞིང་ལས་དྲག་ལྔ་འགྲོའོ་ཞེས་སྨྲས་ནས། བྲམ་ཟེའི་ཁྱེའུ་ནྱ་ཀྲོ་དྷ་སྐྱེས་ཞིང་ལས་ལ་སོང་ངོ་།། བྲམ་ཟེའི་ཁྱེའུ་ནྱ་གྲོ་དྷ་སྟེས་ཀྱིས་ཕའི་ཞིང་ལས་ལ་བལྟས་ན།
55a7 རྨོན་པ་དེར་དགུར་བརྒྱ་དགུ་བཅུ་རྩ་དགུ་རྨེད་ཅིང་།། དེ་ན་ཡང་སྲོག་ཆགས་ཕྲ་མོ་ཕྲ་མོ་དག་ཚུལ་མ་ཡིན་པས་ཉོན་མོངས་པར་འགྱུར་བ་དང་། གླང་རྣམས་ཀྱང་སྣ་ནི་ཕུག། བཤུལ་ནི་ཞོམ།
iiif viewer powered by OpenSeadragon
