| e-texts navigator |
| Wylie |
54b1 མལ་གྱི་འོག་ཏུ་འདུག་པ་དང་། བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས་སྦྲུལ་ནག་པོ་གདུག་པ་དྲག་པོ་སོ་གདུག་པ་དེ་མལ་གྱི་འོག་ན་འདུག་པ་མཐོང་ངོ་།། མཐོང་ནས་ཀྱང་དེ་འདི་སྙམ་དུ་ཀྱེ་མ་གཟུགས་འདིས་བུ་མ་རུ།
54b2 བར་བྱས་པར་འགྱུར་རོ་སྙམ་དུ་སེམས་སོ།། ཉལ་བ་དེའི་ལག་པ་ཡང་ཕྱི་རོལ་ཏུ་འཕྱང་ངོ་།། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས། ཅི་བདག་གིས་ད་ཇི་ལྟར་བྱ་སྙམ་དུ་བསམས་སོ།། དེ་ནས་རྔ་མའི
54b3 བསིལ་ཡབ་ཀྱི་ནོར་བུའི་ཡུ་བས་བཏེག་སྟེ་བཞག་གོ།། དེ་ནས་སེར་སྐྱའི་བུ་མོ་བཟང་མོ་རྔ་མའི་བསིལ་ཡབ་ཀྱི་ནོར་བུའི་ཡུ་བས་རེག་པས་སད་པ་དང་། སྐྲག་ཅིང་ཡིད་མི་དགའ་ནས། ནྱ་གྲོཿ
54b4 སྐྱེས་ལ་འདི་སྐད་ཅེས་སྨྲས་སོ།། རྗེའི་སྲས་རེག་པར་བྱེད་པ་འདི་ཅི་ཞིག་ལགས། ཁྱོད་ཀྱིས་བདག་ལ་འདོད་ཆགས་དང་བཅས་པའི་སེམས་ཀྱིས་མ་རེག་གམ། དེས་སྨྲས་པ། བཟང་མོ་དེ
54b5 ལྷ་མ་ཡིན་ནོ།། འོན་ཀྱང་སྦྲུལ་གདུག་པ་འདིས་ཟིན་པར་གྱུར་ན་མི་རུང་ངོ་སྙམ་ནས། དེའི་ཕྱིར་ཁོ་བོས་ལག་པ་འཕྱང་བ་བཏེག་སྟེ་བཞག་གོ།། ཇི་ལྟ་བུ་ཞིག་གིས། དེས་སྨྲས་པ། རྔ་མའི་བསིལ
54b6 ཡབ་ཀྱི་ནོར་བུའི་ཡུ་བས་སོ།། དེས་འདི་སྐད་ཅེས་སྨྲས་སོ།། རྗེའི་སྲས་བདག་ནི་སྦྲུལ་གདུག་པས་ཟིན་ཀྱང་བླའི། ཁྱོད་ཀྱིས་རྔ་མའི་བསིལ་ཡབ་ཀྱིས་ནོར་བུའི་ཡུ་བས་རེག་པ་ནི་མི་རུང་ངོ་།།
54b7 ཅིའི་སླད་དུ་ཞེ་ན། མ་ལུ་ཏ་ཡི་འཁྲི་ཤིང་འཁྲིས་པས་ལྗོན་ཤིང་བཟང་པོ་ཉམས།། བུད་མེད་དག་ལ་རེག་པའི་རྒྱུ་ཡིས་འཇིག་རྟེན་ཕུང་བར་གྱུར།། དེ་ཡི་སླད་དུ་མགྱོགས་པར་འཆི་བའི་སྦྲུལ་གྱིས་ཇི
iiif viewer powered by OpenSeadragon
