| e-texts navigator |
| Wylie |
53b1 ཤིག་སེར་སྐྱའི་བུ་མོ་བཟང་མོས་ཀྱང་། བྲམ་ཟེའི་ཁྱེའུ་ཅུ་མོ་ཏྲ་སྐྱེས་ལ་འདི་སྐད་ཅེས་སྦས་སོ།། རྗེའི་སྲས་ཁྱེད་ཀྱང་དགོངས་ཤིག་ཅེས་གཅིག་གིས་གཅིག་བསྐུལ་ཏེ་མ་མ་དང་བུག་ཅེས་ཛིས་པ།
53b2 བཞིན་དུ་འཁོད་དོ།། དེ་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷ་ཆུང་མ་དང་བཅས་པས།། དེས་གཉིས་ཀྱིས་རིམ་གྲོ་མ་རྣམས་ལ་རྨས་པ། བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཆུང་མ་དང་ལྷན་ཅིག་ཇི་ལྟར།
53b3 འདུག། དེ་རྣམས་ཀྱིས་འདི་སྐད་ཅེས་སྨྲས་སོ།། མ་དང་བུ་ལྷན་ཅིག་པ་འམ། བུ་དང་མ་ལྷན་ཅིག་པ་བཞིན་ནོ།། དེ་སྐད་ཅེས་ཐོས་ནས་ཀྱང་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷ་ཆུང་མ་དང་ལྷན་ཅིག
53b4 འདི་སྐད་ཅེས་སྨྲས་སོ།། བདག་ཅག་ཁོ་ནའི་ཉེས་པ་ཡིན་གྱིས། དེ་གཉིས་ཀྱིས་ནི་མ་ཡིན་ཏེ། གང་གི་ཕྱིར་བདག་ཅག་གིས་དེ་གཉིས་ཀྱི་ཆེད་དུ་མལ་གཉིས་བཅས་པས་སོ་སྙམ་བསམས་ནས། མལ་དང་།
53b5 ཁྲིའུ་གཅིག་བཞག་གོ།། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་འདི་སྙམ་དུ་སེམས་ཏེ། ཀྱེ་མ་ཕ་མ་གཉིས་ཀྱིས་བདག་ཅག་ལ་དམ་པ་མ་ཡིན་པའི་ཆོས་ཀྱི་ཆེད་དུ་བརྩམ་པ་ཆེན་པོ་འདི་བླངས་སོ་སྙམ་དུ
53b6 སེམས་སོ།། སེར་སྐྱའི་བུ་མོ་བཟང་མོས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱི་ཕ་མའི་དགོས་པ་ཁོང་དུ་ཆུད་ནས། བྲམ་ཟེའི་ཁྱེའུ་ནྱ་གྲོ་དྷ་སྐྱེས་ལ་འདི་སྐད་ཅེས་སྨྲས་སོ།། རྗེའི་སྲས་ཁྱོད་དང་བདག་གི་ཆེད
53b7 སྦྱོར་བ་འདི་སྦྱར་རོ།། འོན་ཀྱང་སྔོན་གྱི་དམ་བཅས་པ་དགོངས་ཤིག། དེས་སྨྲས་པ། སྙིང་ལས་ཆུང་ངུར་གྱིས་ལ་བག་མ་ཚ་ཞིག། དེ་ན་ནམ་གྱི་ཆ་སྟོད་ལ་ནི་སེར་སྐྱའི་བུ་མོ་བཟང་མོ་མལ་དུ་ཉལ་ལོ།། ནྱ་གྲོ་རྐྱེ
iiif viewer powered by OpenSeadragon
