| e-texts navigator |
| Wylie |
53a1 འོན་ཀྱང་བདག་ལ་དབང་མེད་དེ།། ཕ་མ་གཉིས་ཀྱིས་བདག་ཁྱིམ་ཐབ་ལ་བྱིན་ནུ་ཛ་སྐར་བྱ།། དེ་ནས་བྲམ་ཟེའི་ཁྱེའུ་ནྱ་གྲོ་དྷཱ་སྐྱེས་ཀྱིས་སེར་སུའི་བུ་མོ་བཟང་མོ་ལ།
53a2 འདི་སྐད་ཅེས་སྨྲས་སོ།། བཟང་མོ་བརྟན་པ་དང་སྲུངས་གྱིས་ཤིག། བྲམ་ཟེའི་ཁྱེའུ་ནྱ་གྲོ་དྷ་སྟེས་དེ་ཁོ་བོ་ཡིན་ནོ།། དེ་ནས་སེར་སྐྱའི་བུ་མོ་བཟང་མོས་བྲམ་ཟེའི་ཁྱེའུ་དེ་ལས་ཚིག་དེ་ཐོས
53a3 ནས་རྒྱས་པར་ཆེས་དབུགས་ཀུན་ཏུ་དབྱུང་བར་གྱུར་ཏེ། ནྱ་གྲོ་དྷ་སྐྱེས་དེ་ལ་འདི་སྐད་ཅེས་སྨྲས་སོ།། བྲམ་ཟེའི་ཁྱེའུ་བཞུད་ལ་དམ་བཅས་པ་བརྟན་པར་གྱིས་ཤིག། དམ་པ་རྣམས་ནི།
53a4 དམ་བཅས་པ་བརྟན་པ་ལགས་སོ།། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱི་སེར་སྐྱའི་བུ་མོ་བཟང་མོ་དང་ལྷན་གཅིག་གྲོས་བྱས་ནས། ཡང་སླར་གྲོང་ཁྱེར་ནྱ་གྲོ་དྷ་ཅན་དུ་ཕྱིན་ཏོ།། དེ་ནས
53a5 བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷས་ཁྱིམ་པ་རྣམས་ཀྱིས་ཁྱིམ་པའི་ཆོས་ཇི་ལྟ་བུ་ཡིན་པ་དེ་བྱས་ཏེ། བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཆུང་མ་བླངས་སོ།། གང་གི་ཚེ་གྲོང་ཁྱེར་ནྱ་གྲོ་དྷ
53a6 ཅན་བཟང་མོ་བླངས་པ་དེའི་ཚེ། བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱི་ཕ་མ་གཉིས་ཀྱིས། བྲམ་ཟེའི་ཁྱེའུ་ནྱ་གྲོ་དྷ་སྐྱེས་དང་། སེར་སྐྱའི་བུ་མོ་བཟང་མོ་གནས་གཅིག་ཏུ་བཀོད་དོ།།
53a7 དེ་གཉིས་ཀྱི་ཆེད་དུ་མལ་གཉིས་བཅས་སོ།། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས། སེར་ཅུའི་བུ་མོ་བཟང་མོ་ལ་འདི་སྐད་ཅེས་སྨྲས་སོ།། བཟང་མོ་སྔོན་དམ་བཅས་པ་དྲན་པར་བྱོས
iiif viewer powered by OpenSeadragon
