| e-texts navigator |
| Wylie |
52b1 སེར་སྐྱའི་ཁྱིམ་གྱིས་སྒོར་ཕྱིན་ཏོ།། དེ་ནས་སེར་སྐྱའི་བུ་མོ་བཟང་མོ་སྲོང་མོ་ཐོགས་ནས་བྱུང་བ་དང་། བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས་མཐོང་ངོ་།། བུ་མོ་དེ་མཐོང་ནས་ཀྱང་། དེ་འདི་སྙམ་དུ་བུ་མོ།
52b2 དེ་ནི་འདི་ཡིན་ནོ་སྙམ་དུ་བསམས་སོ།། དེ་ནས་བྲམ་ཟེའི་ཁྱེའུ་ནྱ་གྲོ་དྷ་སྐྱེས་ཀྱིས། བུ་མོ་དེ་ལ་འདི་སྐད་ཅེས་སྨྲས་སོ།། ཁྱོད་སུའི་བུ་མོ་ཡིན།། དེས་འདི་སྐད་ཅེས་སྨྲས་སོ།། སེར་སྐྱའི་ཡིན་ནོ།། ཁྱོད
52b3 གཞན་ལ་བྱིན་ནཱམ། དེས་འདི་སྐད་ཅེས་སྨྲས་སོ།། བདག་གིས་གྲོང་ཁྱེར་ནྱ་གྲོ་དྷ་ཅན་ནུ། བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷ་ཞེས་བྱ་བ་གནས་པ་དེའི་བུ་ནྱ་གྲོ་དྷ་སྐྱེས་ཞེས་བྱ་བ་དེ་ལ། བདག
52b4 ཕ་མ་གཉིས་ཀྱིས་བྱིན་པར་ཐོས་སོ།། དེས་དེ་ལ་འདི་སྐད་ཅེས་སྨྲས་སོ།། བཟང་མོ་ཁྱོད་ལ་ཁྱིམ་ཐབ་དེ་འདྲ་བ་ཅིར་དགོས། གང་ལ་དེ་ཁྱིམ་ཐབ་ཏུ་གྱུར་པ་དེ་ནི་ཁྱིམ་ཟབ་མེད་པ་ཉིད་དུ་ཤེས་པར
52b5 གྱིས་ཤིག། དཔེ་ཇི་ལྟ་བུ་ཞིག། དེས་འདི་སྐད་ཅེས་སྨྲས་སོ།། དེ་ནི་འདོད་པ་རྣམས་ལ་དོན་དུ་གཉེར་བ་མ་ཡིན་ན། ཁྱིམ་ཐབ་དེ་ལྟ་བུ་དེས་ཅི་ཞིག་བྱ། རྗེའི་སྲས་ལེགས་སོ་ལེགས་སོ།། ཁྱོད་ཀྱིས
52b6 བདག་དབུགས་ཀུན་ཏུ་ཕྱུང་ངོ་།། ཁྱོད་ཀྱིས་ནི་བདག་ལ་བདུད་རྩི་ཁོ་ནས་དབང་བསྐུར་རོ་སྙམ་སེམས་སོ།། དེས་འདི་སྐད་ཅེས་སྨྲས་སོ།། ཅིའི་ཕྱིར། བྲམ་ཟེའི་ཁྱེའུ་བདག་ཀྱང་འདོད་པ་རྣམས
52b7 ལ་དོན་དུ་གཉེར་བ་མ་ཡིན་ནོ།། འདི་སྐད་ཅེས་ཀྱང་སྨྲས་སོ།། ཕྱུག་པོ་དང་ནི་དབུལ་པོ་ལ།། འདྲ་བར་ཁྱོད་མཐོང་བདེ་བ་འདི།། སྙིང་དང་མཐུན་པའི་ཕྱུག་པ་སྟེ།། ཙན་དན་པུ་ཤེལ་ཅི་དག་མིན།། །
iiif viewer powered by OpenSeadragon
