| e-texts navigator |
| Wylie |
450a1 དགའ་མོས་བཙོ་བླག་མཁན་ལ་གོས་འཁྲུར་ཅུག་པ་མ་བཏུབ་ནས། ཇི་ཙམ་ན་བཀྲུ་སྨན་ཟོས་ནས་ཞེས་བྱ་བ་ནས། མི་གཙང་བས་བསུག་པའི་སྣོད་དང
450a2 བརྡབ་པའི་གཞི་དང་། གོས་བཤལ་བའི་ཆུ་སྣོད་མ་རུང་བར་བྱས་སོ།། དེ་ནས་བཙོ་བླག་མཁན་དེ་གོས་འཁྲུ་བ་ན། གོས་དེ་ཚོན་ཁྲ་བོ་སྣ་ཚོགས་ཀྱི་ཚོན་གྱིས་བཀྲ་བ་དང་། མནམ་པ
450a3 མཐོང་ངོ་ཞེས་བྱ་བའི་བར་རོ།། དེ་ནས་སྦོམ་དགའ་མོ་འོངས་ནས་འདི་སྐད་ཅེས་སྨྲས་སོ།། ཀྱེ་ནང་རྫོགས་དག་ཅི་སྟེ་སྐྱ་བོར་གྱུར་དེས་འདི་སྐད་ཅེས་འཕགས་མ་ཁྱོད་ཀྱིས་མ་བྱས་གྲང་ཞེས
450a4 སྨྲས་པ་དང་། སྦོམ་དགའ་མོས་འདི་སྐད་ཅེས། ཁྱོད་དེ་ལྟར་སྤྱོས་སོ་ཞེས་སྨྲས་པ་ན་སྨོད་པར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཆུའི་ནང་དུ་བཤང་གཅི་དོར་བར
450a5 མི་བྱའོ་ཞེས་བྱ་བའི་བར་རོ།། ན་བ་དག་དེ་ཉིད་དུ་འདོར་བར་འབྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ། རྗེས་སུ་གནང་ངོ་།། དེ་བཞིན་དུ་མཆིལ་མ་དང་། སྣབས་དང
450a6 སྤྱུགས་པ་དང་། རླུགས་པ་ཞེས་བྱ་བ་ནས། ནད་པ་ཡིན་ན་རྗེས་སུ་གནང་ངོ་ཞེས་བྱ་བའི་བར་རོ།། གང་གི་ཚེ་བཅོམ་ལྡན་འདས་ཀྱིས་མཉན་ཡོད་དུ་དགེ་སྐོས་ལས་བརྟེ
450a7 ནས། ཤིང་ལ་འཛེག་པའི་བསླབ་པའི་གཞི་བཅའ་བ་མཛད་པ་དེའི་ཚེ། སྦོམ་དགའ་མོ་བྱ་བ་འགའ་ཞིག་གི་ཕྱིར་ཤིང་ཁར་འཛེག་པ་ན། དེ་ལ་དགེ་སློང་མ་རྣམས་ཀྱིས་སྦས་པ
iiif viewer powered by OpenSeadragon
