| e-texts navigator |
| Wylie |
446a1 གཏོར་བ་དང་། ཁྱིམ་བདག་ཡོད་པ་ལ་མཆིས་པར་ཟས་དང་འབགས་པའི་ཆུ་ཁང་པའི་ནང་དུ་མི་དབོ་བ་དང་། ལྷུང་བཟེད་ཀྱི་ནང་དུ་ཟས་ཀྱི་ལྷག་མཐུགས་ཏེ་མི་དོར།
446a2 བར་བསླབ་པར་བྱའོ་ཞེས་བྱ་བའི་བྱར་རོ།། དེ་ནས་བཅུ་གཉིས་སྡེ་དག་འོག་གཞི་མེད་པའི་སར་ལྷུང་བཟེད་འཇོག་པར་བྱེད་པ་ནས། བཅོམ་ལྡན་འདས་ཀྱིས་བཀའ
446a3 སྩལ་པ་བཞག་པར་མི་བྱའོ།། དེ་ནས་བཅུ་གཉིས་སྔ་དག་གིས་གཡང་སར་ལྷུང་བཟེད་གཞག་པ་དང་། དེ་ནས་ལྷུང་བཟེད་ལྷུང་ནས་དུམ་བུར་ཆག་པར་གྱུར་པ
446a4 ནས་བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་གཡང་སར་གཞག་པར་མི་བྱའོ་ཞེས་བྱ་བའི་བར་རོ།། དེ་དགའ་བབ་ཆུའི་འགྲམ་དུ་འཇོག་པར
446a5 བྱེད་པ་ནས་བཅོམ་ལྡན་འདས་ཀྱིས་བཀའ་སྩལ་པ། འབབ་ཆུའི་འགྲམ་དུ་གཞག་པར་མི་བྱའོ་ཞེས་བྱ་བའི་བར་རོ།། དེ་དག་ལམ་ཀར་འཇོག་པར་བྱེད་པ
446a6 ནས་བཅོམ་ལྡན་འདས་ཀྱིས་བཀའ་སྩལ་པ། ལམ་ཀར་གཞག་པར་མི་བྱའོ་ཞེས་བྱ་བའི་བར་རོ།། དེ་དག་ལྷུང་བཟེད་བྱེ་མ་དང་བཅས་པའི་ལྕིབས་རུང་བ
446a7 བྱེད་པ་ན། དེ་དག་རིང་པོ་མ་ལོན་པར་སྐྱ་སྐྱ་བོར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པ། འོག་གཞི་མ་བཏིང་བའི་ས་ལ་ལྷུང་བཟེད་གཞག་པར་མི་བྱ་བ་དང་།
iiif viewer powered by OpenSeadragon
