| e-texts navigator |
| Wylie |
443a1 འཕགས་མ་བདག་གིས་འཚལ་མོད་ཀྱི། བདག་གཞི་ངན་པས་ཅི་བགྱིར་ཡང་མ་མཆིས་སོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཕུ་རྦ།
443a2 མི་བྱ་བར་ཁ་ཟས་ཟ་བར་བྱའོ་ཞེས་བྱ་བའི་བར་རོ།། དེ་ནས་བཅུ་གཉིས་སྡེ་དག་ལྗོངས་རྒྱུ་ཞིང་དོང་བ་ན་ཞིང་པའི་ཁྱིམ་ཞིག་ཏུ་ཕྱིན་པ་དང་། དེ་དག་གིས་གནས་དེར་ཆོས་གོས་དག
443a3 སྦུགས་རྐང་པ་དང་ལག་པ་དག་བཀྲུས་ནས་ཟས་ཀྱི་བྱ་བ་ལ་ཞུགས་པ་དང་། དེ་ནས་ཁྱིམ་ཅིག་ཤོས་སུ་ཡང་གཅེར་པུ་པ་དག་ལྷགས་ནས། ཇི་ཙམ་ན་དེ་དག་ཀྱང་ཟས་ཀྱི་བྱ་བ་ལ་ཞུགས
443a4 སོ།། དེ་ནས་བཅུ་གཉིས་སྡེ་རྒོད་པའི་བསམ་པ་ཅན་དག་གིས་ཁ་ཟས་ལ་རྫོགས་བྱེད་ཅེས་བྱ་བའི་མཆོད་རྟེན་བྱས་ནས་ལ་ཕུག་གི་སྲོག་ཤིང་བཙུགས་ཏེ། གཅེར་བུ་པ་དེ་དག
443a5 ལ་འདི་སྐད་ཅེས་འདི་ནི་ཁྱོད་ཀྱི་སྟོན་པའི་མཆོད་རྟེན་ཡིན་ནོ་ཞེས་སྨྲས་ནས། དེ་ནས་མཆོད་རྟེན་དེ་ལས་ཁམ་གྱིས་བཅད་དེ་ཟ་ཞིང་སྒྲ་གཅིག་ཏུ་འདི་སྐད་ཅེས། རྫོགས་བྱེད་ཀྱི་མཆོད
443a6 རྟེན་ཞིག་གོ་ཞེས་སྨྲས་པ་དང་དེ་ནས་གཅེར་པུ་པ་དེ་དག་སྡུག་བསྔལ་ཞིང་ཡིད་མི་བདེ་བ་སྐྱེས་ནས་ངུ་ཞིང་འདི་སྐད་ཅེས་དེ་རིང་བདག་ཅག་གི་སྟོན་པ་དུས་ལས་འདས་པ་ལྟ་ཞེས་ཟེར
443a7 རོ།། བཅོམ་ལྡན་འདས་ཀྱིས་བཀའ་སྩལ་པ་ཙུག་ཙུག་མི་བྱ་བ་དང་། ཧུ་ཧུ་མི་བྱ་བ་དང་། ཅག་ཅག་མི་བྱ་བ་དང་། ཕུ་ཕུ་མི་བྱ་བ་དང་། མཆོད་རྟེན་འདྲ་བར་སྡུས་ཏེ།
iiif viewer powered by OpenSeadragon
