| e-texts navigator |
| Wylie |
441a1 བྱ། ལྡན་གྱིས་འཁོར་ནི་མ་དད་པ་ཡིན་པས། དེ་དག་གིས་ཁ་ཟས་ཀྱི་གོང་བུ་དྲག་ཏུ་བོར་བས། དགེ་སློང་མ་རྣམས་ཀྱི་ལག་པ་དང་ལྷུང་བཟེད་གཅོག
441a2 པར་བྱེད་དོ།། དེ་ནས་ཡང་ཕྱོགས་གཅིག་ན་བཅུ་གཉིས་སྡེ་དག་འཁོད་པས་དེ་དག་གིས་གཅིག་ལ་གཅིག་འདི་སྐད་ཅེས་གཙུག་དགའ་མོ། ཉི་དགའ་མོ། སྦོམ་དགའ་མོ་བདག
441a3 ཅག་གིས་བུ་གསོད་མོའི་བུ་འདི་དག་བསླབ་པར་བྱའོ་ཞེས་སྨྲས་ནས། གང་གི་ཚེ་ཁ་ཟས་འོང་བ་དེའི་ཚེལྷུང་བཟེད་བཟེད་ནས་ཕྱིར་བཀྱེད་པ་དང་། འབྲས་ཆན་དེ་དག་ས་ལ་བོ་བ
441a4 ནད་དོན་ཉུང་བའི་དགེ་སློང་མ་དག་སྨོད་པར་བྱེད་པ་ནས་བཅོམ་ལྡན་འདས་ཀྱིས་བཀའ་སྩལ་པ། ལེགས་པར་ཁ་ཟས་བླང་བར་བྱའོ།། དེ་བཞིན་དུ་ཁྱིམ་ཞིག
441a5 ཏུ་སྤྱན་དྲངས་པ་དང་ཞེས་བྱ་བའི་བར་དུ་སྟེ་འབྲས་ཆན་དང་ཚོད་མ་ཇི་སྙེད་ཀྱིས་ལྷུང་བཟེད་ནས་ས་ལ་འབོ་བ་དེ་སྙེད་བླངས་ནས། བཅོམ་ལྡན་འདས་ཀྱིས་བཀའ་སྩལ་པ། མུ་དང
441a6 ཁ་དོ་ཚད་མ་ཡིན་པར་ཁ་ཟས་བླང་བར་བྱའོ།། མཉན་ཡོད་དུ་ཁྱིམ་བདག་ཅིག་གིས་ཞེས་བྱ་བ་ནས། ཁྱིམ་དུ་སྤྱན་དྲངས་སོ་ཞེས་བྱ་བའི་བར་ཏེ། བཅུ་གཉིས་སྡེ་དེ
441a7 དག་ལ་འབྲས་ཆན་དང་ཚོད་མ་མཉམ་པར་བྲིམས་པ་ན། ལྷག་པར་སློང་བར་བྱེད་པ་ནས། བཅོམ་ལྡན་འདས་ཀྱིས་བཀའ་སྩལ་པ་ཟན་འ་བྲས་ཆན་དང་མཉམ་པར་བཟའ
iiif viewer powered by OpenSeadragon
