| e-texts navigator |
| Wylie |
437b1 བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་བསྡམས་པ་དང་། ལེགས་པར་བགོས་པ་དང་། བཅོམ་བསྙུངས་པ་དང་། མིག་མི་གཡེང་བ་དང་། གཞ་ཤིང་གང་ཙམ་དུས་བས་ཁྱིམ་གྱི་ནང་དུ
437b2 འཇུག་པ་དང་འདུག་པར་བསླབ་པར་བྱའོ།། ། དེ་ནས་བཅུ་གཉིས་སྡེ་དག་མགོ་གཡོགས་ནས་འདོང་བ་ན། དེ་དག་ལ་ཁྱེད་ཅག་ཅིའི་ཕྱིར་དེ་ལྟར་བྱེད་ཅིང་འདོང་ཞེས་དྲིས་པ
437b3 དང་། དེ་དག་གིས་འདི་སྐད་ཅེས་སྨྲས་སོ།། ཁོ་མོ་ཅག་སྔོན་དྲ་མ་དག་གི་མནའ་མར་གྱུར་པ་ན་ཁྱིམ་དག་ན་འདི་ལྟར་བྱེད་དོ།། དེ་རྣམས་ཀྱིས་འདི་སྐད་ཅེས་སྦས་སོ།། ཅི་ཁྱེད་ད་རུང་ཡང་དྲ་མ་དག་གི་མན
437b4 མ་ཡིན་ནམ། དེ་དག་གིས་འདི་སྐད་ཅེས་མི་ཤེས་པ་གང་ཡིན་པ་དེ་སྤངས་པར་འགྱུར་ཞིང་། ཁྱེད་ཅག་ཀྱང་བསླབ་པ་ལ་སླབས་པར་འགྱུར་རོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ
437b5 སྩལ་པ། མགོ་གཡོགས་ཏེ་ཁྱིམ་གྱི་ནང་དུ་འདོང་བར་མི་བྱའོ།། །། བམ་པོ་ཉི་ཤུ་བརྒྱད་པ་སྟེ་ཐ་མའོ།། །། དེ་ནས་བཅུ་གཉིས་སྡེ་དག་ལག་པ
437b6 གཉིས་ཀྱིས་ཤིང་བུང་ཅད་བརྫེས་ནས་འདོང་པ་ན། དེ་རྣམས་ཀྱིས་ཁྱེད་ཅག་ཅིའི་ཕྱིར་དེ་ལྟར་བྱེད་ཅིང་འདོང་ཞེས་དྲིས་པ་དང་། དེ་དག་གིས་འདི་སྐད་ཅེས་སྨྲས་སོ།། རྔ་མའི་མནའ་མ་དག་འདོད
437b7 ན་དེ་ལྟར་བྱེད་དོ།། དེ་རྣམས་ཀྱིས་འདི་སྐད་ཅེས་སྨྲས་སོ།། ཅི་ཁྱེད་ཅག་རྔ་མའི་མནའ་མ་ཡིན་ནམ། བཅུ་གཉིས་སྡེ་དག་གིས་འདི་སྐད་ཅེས་མི་ཤེས་པ་གང་ཡིན་པ་དེ་སྤངས་པར་འགྱུར་ཞིང་།
iiif viewer powered by OpenSeadragon
