| e-texts navigator |
| Wylie |
437a1 འདི་སྐད་ཅེས་ནོར་ཅན་དང་། ཚོང་དཔོན་དང་། དེད་དཔོན་དག་འདི་ལྟར་གྱོན་ནོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཆོས་གོས་དང
437a2 ཤམ་ཐབས་གླང་པོ་ཆེའི་སྔ་ལྟར་མ་ཡིན་པ་དང་། ཏཱ་ལའི་ལོ་མ་ལྟར་བལྟབ་པ་མ་ཡིན་པ་དང་། འབྲུའི་པུར་མ་ལྟར་མ་ཡིན་པ་དང་། སྦྲུལ་མགོའི་གདེངས་ཀ་ལྟར་མ་ཡིན་པ་དང་། སྦྲུལ་མགོ
437a3 གདེངས་ཀ་དགུ་པོ་ལྟར་རྐེད་པའི་ཕྱོགས་སྣང་བ་མ་ཡིན་པར་བགོ་བར་བྱའོ།། ། གླེང་གཞི་ནི་མཉན་ཡོད་ནའོ།། དེ་ནས་བཅུ་གཉིས་སྡེ་དག་ཕྲག་པ་ཕྱུང་ནས་ཁྱིམ་དག་ཏུ
437a4 འདོང་བ་ན།། དེ་དག་ལ་དགེ་སློང་མ་རྣམས་ཀྱིས་སྨྲས་པ། ཕུ་ནུ་མོ་དག་ཁྱེད་ཅག་ཅིའི་ཕྱིར་ཕྲག་པ་ཕྱུང་ཞིང་འདོང། དེ་དག་གིས་འདི་སྐད་ཅེས་རེ་ཞིག་གཡོན་ཅན་དག་གིས་མཐོང་ན་དེ་དག་གིས
437a5 སྙིང་འགས་པར་འགྱུར་བར་བྱའོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་བསྡམས་པ་དང་ལེགས་པར་བགོས་པས་ཁྱིམ་གྱི་ནང་དུ་འཇུག་པར་བྱའོ།།
437a6 ཁྱིམ་དག་ཏུ་འཇུག་པ་ན་སྒྲ་མཐོན་པོ་དང་སྒྲ་ཆེན་པོས་འདོང་བ་དང་། བཅོམ་ལྡན་འདས་ཀྱིས་བཀའ་སྩལ་པ། བཅོམ་བསྲུང་ཞིང་འཇུག་པར་བྱའོ།། དེ་ནས་ཕན
437a7 ཚུན་དུ་ལྟ་ཞིང་འདོང་བ་ནས། བཅོམ་ལྡན་འདས་ཀྱིས་བཀའ་སྩལ་པ།། མིག་མི་གཡེང་བར་ཁྱིམ་གྱི་ནང་དུ་འཇུག་པར་བྱའོ།། དེ་དག་མདུན་དུ་མི་ལྟ་བར་འདོར་བ་ནས།
iiif viewer powered by OpenSeadragon
