| e-texts navigator |
| Wylie |
435b1 བྱའོ་ཞེས་བྱ་བ་ནི་མཐོལ་བར་བྱའོ།། འཕགས་མ་སྤད་པའི་གནས་ཞེས་བྱ་བ་ནི་དགེ་སློང་མས་དེ་བྱ་བ་མ་ཡིན་པའོ།། མི་རིགས་པ་ཞེས་བྱ་བ་ནི་ཆགས་པར་འགྱུར་བའོ།། སོ་སོར།
435b2 བཤགས་པར་བྱ་བ་བྱུང་གིས་ཆོས་དེ་སོ་སོར་འཆགས་སོ་ཞེས་བྱ་བ་ནི་ངེས་པར་མཐོལ་བའོ།། ཆོས་འདི་ནི་སོ་སོར་བཤགས་པར་བྱ་བ་ཡིན་ནོ་ཞེས་བྱ་བ་ནི་གདོན་མི་ཟ་བར་མཐོས
435b3 བར་བྱ་བའོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་སློབ་པར་གྲགས་པའི་ཁྱིམ་བསླབ་པའི་སྡོམ་པ་བཅས་པ་དག་ཏུ་སྔར་མ་བོས
435b4 བཞིན་དུ་ཞེས་བྱ་བ་ནས། འཆོས་སམ་ཟོས་ན་ཐམས་ཅད་དུ་སོ་སོར་བཤགས་པར་བྱ་བར་འགྱུར་རོ་ཞེས་བྱ་བའི་བར་རོ།། གལ་ཏེ་ཐོག་མ་ཉིད་ནས་བོས་པའམ་བསླབ་པའི
435b5 སྡོམ་པ་བག་ཡངས་སུ་གནང་བ་བྱིན་པ་ལ་ནི་ལྟུང་བ་མེད་དོ།། སོ་སོར་བཤགས་པར་བྱ་བ་བཅུ་གཅིག་པ་རྫོགས་སོ།། །། དགེ་སློང་མའི་འདུལ་བ་རྣམ་པར
435b6 འབྱེད་པ་ལས།། སོ་སོར་བཤགས་པར་བྱ་བ་རྣམས་རྫོགས་སོ།། །། ད་ནི་བསླབ་པ་རྣམས་སྦ་བར་བྱ་སྟེ། དེ་ལ་བསླབ་པ་རྣམས་ཀྱི་སྡོམ་གྱི་ཚིགས
435b7 སུ་བཅད་པ་ནི་འདི་ཡིན་ཏེ།། སྡོམ་ལ། ཆོས་གོས་ལེགས་བགོ་མགོ་མི་གཡོག། མཆོང་དང་ལུས་ནི་བསྒྱུར་བ་དང་།། འདུག་པ་དང་ནི་རྐང་པ་དག། ཚོགས་སུ་ཡང་དག།
iiif viewer powered by OpenSeadragon
