| e-texts navigator |
| Wylie |
423b1 ཡང་གང་ཞེས་བྱ་བ་ནི་སྦོམ་དགའ་མོའོ།། ཁྱིམ་པའི་རྒྱན་ཅེས་བྱ་བ་ནི་མགུལ་གདུབ་དང་། གདུ་བུ་རྒྱན་ཅན་དང་། དཔུང་རྒྱན་ལ་སོགས་པའོ།། ཐོགས་ན་ཞེས་བྱ་བ་ན
423b2 བརྒྱན་པར་བྱེད་ནའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཁྱིམ་པའི་རྒྱན་ཐོགས་ན
423b3 ཐམས་ཅད་དུ་ལྟུང་བྱེད་དུ་འགྱུར་རོ།། ལྟུང་བྱེད་ཉི་ཤུ་བདུན་པའི་གཉིས་པ་རྫོགས་སོ།། ། གླེང་གཞི་ནི་མཉན་ཡོད་ནའོ།། དེ་ནས་བཅུ་གཉིས་སྡེ་དག་མཉན་ཡོད
423b4 ཀྱི་བྲམ་ཟེ་དང་ཁྱིམ་བདག་གིས་ཆུང་མ་རབ་ཏུ་མང་པོ་དང་ལག་པ་སྤེལ་ནས། འབབ་ཆུ་ཨ་ཛི་ར་བ་ཏིར་ལུས་ཁྲུས་བྱེད་པ་ན་ག་དེ་དག་གཅིག་ལ་གཅིག་མཛུབ་མོས་འཛུགས་ཤིང་དེ་དག་དགའ
423b5 བར་བྱེད། དགའ་བར་བྱེད་དུ་འཇུག། རྩེ་བར་བྱེདརྩེར་འཇུག་པར་བྱེད་ཅིང་། རྒོད་པ་དང་། འཕྱར་གཡང་དང་། ལུས་ཀྱིས་རྩབ་ཧྲལ་བྱེད་པ་ཉེ་བར་སྟེན་པ་ན། དོན་རུང་བའི།
423b6 དགེ་སློང་མ་དག་སྨོད་པར་བྱེད་པའི་སྐབས་དེ། བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར
423b7 དུ་མཛད་དེ། ཡང་དགེ་སློང་མ་གང་ལག་པ་སྦྲེལ་ནས་ཁྲུས་བྱེད་ན་ལྟུང་བྱེད་དོ།། ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ།། ལག་པ
iiif viewer powered by OpenSeadragon
