| e-texts navigator |
| Wylie |
412a1 སྲ་བརྐྱང་གི་རྙེད་པ་འགྱེད་པ་ཞེས་བྱ་བ་ནི་གོས་འགྱེད་པའོ།། ཉམས་སུ་མྱོང་བར་མི་བྱེད་ན་ཞེས་བྱ་བ་ནི་མི་འདུན་པའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།།
412a2 དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གོས་ཀྱི་རྙེད་པ་འགྱེད་པ་ཉམས་སུ་མྱོང་བར་མི་བྱེད་ན། ཐམས་ཅད་དུ་ལྟུང་བྱེད་དུ་འགྱུར་རོ།།
412a3 གལ་ཏེ་ལེན་འདོད་པ་ཉིད་མ་ཡིན་ན་ལྟུང་བ་མེད་དོ།། ལྟུང་བྱེད་ཉི་ཤུ་གཉིས་པའི་ཚིགས་སུ་བཅད་པའི་སྡོམ་རྫོགས་སོ།། །། སྡོམ་ནི། ཚུར་ཤོག་ཉེ་བར་ཞི་བྱ་དང
412a4 བཅོལ་ནས་འགྲོ་བར་བྱ་བ་དང་།། རིག་པ་མི་བླང་མི་བཞུག་དང་།། ཁ་ཟས་བཙོད་པར་མི་བྱ་བའོ།། གླེང་གཞི་ནི་མཉན་ཡོད་ནའོ།། དེ་ནས་དགེ་སློང་མ་རྣམས་ཀྱི་ལྷན་ཅིག
412a5 གནས་པ་དང་ཉེ་གནས་དག་ཕན་ཚུན་འཐབ་པ་ན།། སྦོམ་དགའ་མོས་དེ་ལ་རྐྱེན་དག་ཉེ་བར་བསྒྲུབས་པས་དེས་ན་འཐབ་མོ་ཆེ་ཐང་དུ་བྱུང་ནས། དགེ་སློང་མ་རྣམས་ཀྱིས་འདི་སྐད་ཅེས་འཕགས
412a6 མཚུར་སྤྱོན་འཐབ་མོ་ཉེ་བར་ཞི་བར་བགྱིའོ་ཞེས་སྨྲས་པ་དང་། སྦོམ་དགའ་མོས་འདི་སྐད་ཅེས་མགོས་མགོ་ཙའི་ཕྱིར་མ་བཙལ། རེ་ཞིག་ཁོ་མོ་ནི་འཐབ་མོ་བྱེད་ཀྱི་ཉེ་བར་ཞི་བར་མི
412a7 བྱེད་དོ་ཞེས་སྨྲས་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ། བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས།།
iiif viewer powered by OpenSeadragon
