| e-texts navigator |
| Wylie |
406b1 གླེང་གཞི་ནི་མཉན་ཡོད་ནའོ།། དེ་ནས་བཅུ་གཉིས་སྡེ་དག་ཁྱིམ་བདག་གིས་ཆུང་མ་རབ་ཏུ་མང་པོ་དང་ལྷན་ཅིག་སྒྲེན་མོར་བྱུང་ནས་ཁྲུས་བྱེད་པ་དང་། དེ་ནས་སྦོམ་དགའ་མོ་ཁོ་མོའི་རྨོངས་ཀྱི་ཚོགས
406b2 ཤིན་ཏུ་གནས་ལེགས་པར་འཁྱིལ་པ། དཔེར་ན་སྲན་མ་ཤྭའི་འབྲས་བུ་ལྷུར་འདུག་པ་ལ་ལྟོས་ཞེས་སྟོན་པའི་སྐབས་དེ་དགེ་སློང་མ་རྣམས་ཀྱིསབཅོམ་ལྡན་འདས་ལ་གསོལ་པ་དང
406b3 བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། དགེ་སློང་མས་ཁྲུས་རས་བཅང་བར་བྱའོ།། གང་གི་ཚེ་བཅོམ་ལྡན་འདས་ཀྱིས། དགེ་སློང་མ་རྣམས་ཀྱིས་ཁྲུས
406b4 རས་བཅང་བར་བྱའོ་ཞེས་བཀའ་སྩལ་པ་དེའི་ཚེ། སྦོམ་དགའ་མོ་མི་ཐོགས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ། བཅོམ་ལྡན་འདས་ལ་གསོལ་ཏོ།། དེ་ནས
406b5 བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྲུས་རས་མེད་པར་ཁྲུས་བྱེད་ན་ལྟུང་བྱེད་དོ།།
406b6 ཡང་གང་ཞེས་བྱང་ནི་སྦོམ་དཀའ་མོའོ།། ཁྲུས་རས་ཞེས་བྱ་བ་ནི་ལུས་ཀྱི་རས་ཏེ། དེ་མེད་པར་རོ།། ཁྲུས་བྱེད་ན་ཞེས་བྱ་བ་ལ། ཁྲུས་ནི་གཉིས་ཏེ། འཇུག་པའི་ཁྲུས་དང་དབང་བསྐུར་བའི་ལུས
406b7 སོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཁྲུས་གཉིས་བྱེད་ན་ཁྲུས་ཀྱི་ལུས་རས་མི་འཆང་ན་ཐམས་ཅད།
iiif viewer powered by OpenSeadragon
