| e-texts navigator |
| Wylie |
393b1 ཀྱིས་དེ་དག་དེ་བཞིན་དུ་རབ་ཏུ་ཕྱུང་བར་གྱུར་པ་དེའི་ཚེ་དེ་དག་བདག་ཅག་གིས་ལྷན་ཅིག་གནས་པ་དང་ཉེ་གནས་དག་ཇི་ཙམ་ན། ཇི་ལྟར་བསྙེན་པར་རྫོགས་པར་བྱ་བ་མ་ཤེས་ནས། བཅོམ
393b2 ལྡན་འདས་ཀྱིས་བཀའ་སྩལ་པ། ཁྱིམ་སོ་བཟུང་བ་ལོ་བཅུ་ལོན་པ་དང་། གཞོན་ནུ་མ་ལོ་བཅོ་བརྒྱད་ལོན་པ་ལ། ལོ་གཉིས་སུ་ཆོས་དྲུག་དང་རྗེས་སུ་མཐུན་པའི་ཆོས་དྲུག་གི
393b3 བསླབ་པའི་སྡོམ་པ་བྱིན་ཅིག། བཅོམ་ལྡན་འདས་ཀྱིས་བཀའ་སྩལ་པ།། དེ་དག་གིས་ཆོས་དྲུག་པོ་གང་དག་ཡིན་པ་དང་། རྗེས་སུ་མཐུན་པའི་ཆོས་དྲུག་པོ་གང་དག་ཡིན་པ་མ
393b4 ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གཅིག་པུ་ལམ་དུ་འགྲོ་མི་བྱ།། ཆུ་བོའི་ཕ་རོལ་རྒལ་མི་བྱ།། སྐྱེས་པ་ལ་ནི་རེག་མི་བྱ།། སྐྱེས་པ་དང་ནི་འདུག་མི་བྱ།། སྨྱན་དུ
393b5 འགྱུར་བ་མི་བྱ་ཞིང་།། ཁ་ན་མ་ཐོ་བཅཝབ་མི་བྱ།། འདི་དག་ནི་ཆོས་དྲུག་ཅེས་བྱའོ།། རྗེས་སུ་མཐུན་པའི་ཆོས་དྲུག་གང་ཞེ་ན། གསེར་ལ་གཟུང་བར་མི་བྱ་སྟེ།། སྤུ་ཡི་ལས་ནི་མི
393b6 བྱའོ།། ས་ཡང་བརྐོ་བར་མི་བྱ་སྟེ།། རྩཝ་སྔོན་དག་ཀྱང་གཅད་མི་བྱ།། བྱིན་ལེན་མ་བྱས་མི་བཟའ་སྟེ།། བཞག་པ་བཟའ་བར་མི་བྱའོ།། ཆོས་དྲུག་པོ་འདི་དག་ནི་རྗེས
393b7 སུ་མཐུན་པའི་ཆོས་དྲུག་ཅེས་བྱ་སྟེ། ལོ་གཉིས་སུ་བསླབས་ནས་ཚངས་པར་སྤྱད་པ་ཉེའང་གནས་པའི་སྡོམ་པ་བྱིན་ཏེ། དེའི་འོག་ཏུ་བསྙེན་པར་རྫོགས་པར་བྱའོ།། དེ་ནས་སྦོམ།
iiif viewer powered by OpenSeadragon
