| e-texts navigator |
| Wylie |
362a1 བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་རྗེན་པ་འཚེད་པར་བྱེད་ན་ཐམས་ཅད་དུ་ལྟུང་བྱེད་དོ།།
362a2 དེ་ནས་དགེ་འདུན་གྱི་བྲེལ་བ་བྱུང་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཕྱིར་དབེན་པར་འདུག་ནས་བཙོ་བར་བྱ་སྟེ་ལྟུང་བ་མེད་དོ།། ལྟུང་བྱེད་དེ་དགུ་པའི་དང་པོ
362a3 རྫོགས་སོ།། ། གླེང་གཞི་ནི་མཉན་ཡོད་ནའོ།། དེའི་ཚེ་ཁྱིམ་བདག་ཅིག་ཆུང་མ་དང་ལྷན་ཅིག་ཁྱིམ་ནས་ཁྱིམ་པད་པར་རབ་ཏུ་བྱུང་ནས་ཞེས་བྱ་བ་ནས་དགེ་སློང་མ
362a4 རྣམས་ལ་བལྟ་བའི་ཕྱིར་དབྱར་ཁང་དུ་དོང་ངོ་།། ཇི་ཙམ་ན་དེ་དེ་ན་ནང་པར་ཐུག་པ་ཞིག་འཐུང་བ་དང་། དགེ་སློང་མ་དེས་ཡང་ཆུ་སྣོད་ཅིག་ཐོགས་ཏེ་མདུན་ན་སྡོད་ཅིང་འདུག་གོ།། དེ་ནས་དགེ་སློང་དེ
362a5 རྒོད་ནས་འདི་སྐད་ཅེས། ཁོ་བོ་ཁྱིམ་པར་གྱུར་པ་ན་ཁྱོད་དེ་ལྟར་མདུན་ན་སྡོད་དོ་ཞེས་སྨྲས་པ་དང་། དེས་ཆུ་སྣོད་དེ་ནས་མགོར་གཏོར་ནས་འདི་སྐད་ཅེས་སྨྲས་སོ།། ཁོ་བོ་ཁྱོད་ཀྱི་ཡོན་ཏན་ཡང་དག
362a6 པར་སྒྲོགས་ནག་ཁྱོད་ཁོ་མོའི་སྐྱོན་རྣམས་ལ་འཇུག་པར་བྱེད་དམ་ཞེས་སྨྲས་ནས་བྲོས་པ་དང་། དེ་ལ་དགེ་སློང་མ་རྣམས་ཀྱིས་སྨྲས་པ། ཁྱོད་ཀྱིས་ཅིའི་ཕྱིར་འཁོར་གྱི་གཙོ་བོའི་མགོ་ལ་ཆུས་གཏོར
362a7 ཞེས་བྱ་བ་ནས། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ། བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར
iiif viewer powered by OpenSeadragon
