| e-texts navigator |
| Wylie |
350a1 པོའི་ཕོ་བྲང་དུ་འཇུག་པ་ནི་ཉེས་དམིགས་བཅུ་ཡོད་དོ་ཞེས་བྱ་བ་ནས་མ་བཏུབ་པ་དང་། དེའི་འོག་ཏུ་རྒྱལ་པོ་འཆར་ཀས་གསོལ་བ་བཏབ་བོ།། དེ་ནས་སྐྱེ་དགུའི།
350a2 བདག་མོ་ཆེན་མོས་སྐབས་དེ། བཅོམ་ལྡན་འདས་ལ་གསོལ་པ་དང་བཅོམ་ལྡན་འདས་ཀྱིས་བཀའ་སཱ་ལ་པ་གོའུ་ཏ་མ་དྲུག་པོ་དག་གི་ཚིག་ནི་བཅག་ཏུ་མི་རུང་སྟེ། དྲུག་པོ་གང་གི་ཞེ་ན།
350a3 སློབ་དཔོན་དང་། མཁན་པོ་དང་། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་དང་། དགེ་འདུན་དང་། དགེ་འདུན་གྱིས་གནས་བརྟན་དང་། དེ་བཞིན་གཤེགས་པ་དགྲ་བཅོམ་པ
350a4 ཡང་དག་པར་རྫོགས་པའི་སངས་རྒྱས་ཀྱིའོ་ཞེས་བཅོམ་ལྡན་འདས་ཀྱིས་དེ་ལ་བཀས་བསྒོ་ནས་རྒྱལ་པོའི་ཕོ་བྲང་དུ་ཞུགས་སོ།། གང་གི་ཚེ་སྐྱེ་དགུའི་བདག་མོ་ཆེན་མོ་རྒྱལ་པོའི་ཕོ་བྲང
350a5 དུ་ཞུགས་པ་དེའི་ཚེ། བཅུ་གཉིས་སྡེ་རྣམས་གལ་ཏེ་བདག་ཅག་དོང་བར་གྱུར་ན། དེ་རིང་ཉིད་དུ་དགེ་སྦྱོང་གི་ཚུལ་མ་ཡིན་པ་དང་རུང་བ་མ་ཡིན་པའི་ཁུར་ཁྱེར་བར་འགྱུར་བ་ཞིག་ཅེས་འ་ཟེར་བར་བྱེད་དོ།།
350a6 དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནུས། བསླབ་པ་བཅའ་བའི་བར་དུ་མཛད་དེ།། ཡང་དགེ་སློང་མ་གང་ནམ་མ་ནངས་སྐྱ་རེངས་མ་ཤར་བར་རིན་པོ་ཆེ
350a7 དག་གམ། རིན་པོ་ཆེར་སྨོས་པ་དག་མ་བརྟུལ་བར་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བའི་སྒོ་གཏན་ནམ། སྒོ་གཏན་གྱི་ཉེ་འཁོར་ལས་འདའ་ཞིང་འདུག་ན། དེ་འདྲ་བའི་རྐྱེན་མ་གཏོགས་ཏེ
iiif viewer powered by OpenSeadragon
