| e-texts navigator |
| Wylie |
348b1 སོ།། དུས་ལ་དུས་མ་ཡིན་པའི་འདུ་ཤེས་ཀྱིས་འགྲོ་ན་ཉེས་བྱས་སོ།། དེ་བཞིན་དུ་ཡིད་གཉིས་ཟ་ན་ཉེས་བྱས་སོ།། ལྟུང་བྱེད་དྲུག་པའི་ཚོགས་སུ་བཅད་པའི་སྡོམ་རྫོགས་སོ།།
348b2 བམ་པོ་ཉི་ཤུ་གཉིས་པ།། ། སྔོབ་ལ། རྒྱུ་དང་རྒྱལ་པོའི་ཕོ་བྲང་དང་།། ངགདོད་རུས་པ་སོར་བརྒྱད་དང་།། ཁྲིའུ་བདུལ་གདིང་དང་གཡན་པ་དང་།
348b3 བདེ་བར་གཤེགས་པའི་ཆོས་གོས་སོ།། གླེང་གཞི་ནི་མཉན་ཡོད་ནའོ།། དེ་ནས་དགེ་སློང་མ་དགའ་མོ་སྡེ་དྲོ་ཤམ་ཐབས་དགོས། ཆོས་གོས་དང་ལྷུང་བཟེད་བླངས་ཏེ།
348b4 ཕྱི་བཞིན་འབྲང་བའི་དགེ་སྦྱོང་མ་ཞིག་དང་ལྷན་ཅིག་སྦྱིན་བདག་ཅིག་གི་ཁྱིམ་དུ་སོང་ནས། དེས་རྗེས་སུ་མཐུན་པའི་ཆོས་བསྟན་པས་མངོན་པར་དད་པར་བྱས་ནས་པ་དེས་དགེ་སློང་མའི་དགེ་བདུན
348b5 གྱི་ཆེད་དུ་ཟས་དག་སྦྱོར་དུ་བཅུག་གོ།། དེ་ནས་ཕྱི་དེ་ཉིན་པར་དགེ་སློང་མའི་དགེ་འདུན་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་བླངས་ཏེ། ཁྱིམ་བདག་དེའི་བཀང་ས་གང་ན་བདེར་སོང
348b6 ནས་ཞེས་བྱ་བ་ནས་སྟན་བཤམས་པ་ཁོ་ན་ལ་འདུག་གོ་ཞེས་བྱ་བའི་བར་རོ།། དགེ་སློང་མ་དགའ་མོ་ནི་བྱ་བ་མང་ཞིང་བསྒྲུབ་པ་མང་བས་གཎྜཱིའི་དུས་ལས་ཡོལ་བར་གྱུར་ཏོ།། དགེ་སློང
348b7 མ་དེ་རྣམས་ཀྱིས། ཁྱིམ་བདག་དེ་ལ་འདི་སྐད་ཅེས་སྨྲས་སོ།། ཁྱིམ་བདག་ཁྱོད་དགེ་སློང་མའི་དགེ་འདུན་གྱི་དུས་ལ་བབ་ཀྱིས་བྲིམས་ཤིག། དེས་འདི་སྐད་ཅེས་སྨྲས་སོ།། འཕགས་མ་དག་བདག་ནི་མ་འཚལ་མེད།།
iiif viewer powered by OpenSeadragon
