| e-texts navigator |
| Wylie |
346a1 བ་ནས། ཡོ་བྱད་བསྲུངས་པ་ཞེས་བྱ་བའི་བར་རོ།། ཡང་ཉན་ཐོས་མ་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ
346a2 ཡང་དགེ་སློང་མ་གང་དགེ་འདུན་གྱི་ཆོས་དང་ལྡན་པའི་གཏམ་རྣམ་པར་གཏན་ལ་འབེབས་པ་ན། ཅང་མི་སྨྲ་བར་སྟན་ལས་ལངས་ཏེ་དགེ་སློང་མ་འཁོད་པ་ལ་གོ་བར་མ་བྱས་པར་འགྲོ་ན།།
346a3 རྐྱེན་དེ་ལྟ་བུ་མ་གཏོགས་ཏེ་ལྟུང་བྱེད་དོ།། ཡང་གང་ཞེས་བྱ་ང་ནི་བཅུ་གཉིས་སྡེ་དག་གོ།། ཆོས་ཀྱི་གཏམ་རྣམ་པར་གཏན་ལ་འདེབས་པ་ཞེས་བྱ་བ་ནི། ཆོས་ཀྱི་གཏམ་རྣམ
346a4 པར་གཏན་ལ་འབེབས་པ་འདི་ལྟ་སྟེ། གསོལ་བ་དང་། གསོལ་བ་དང་གཉིས་དང་གསོལ་བ་དང་བཞིའི་ལས་དག་གོ་ཅང་མི་སྦ་བར་ལངས་ཏེ་ཞེས་བྱ་བ་ནི་ཁ་རོག་སྡེའོ།། དགེ་སློང་མ་འཁོད་པ
346a5 ལ་གོ་བར་མ་བྱས་པར་ཞེས་བྱ་བ་ནི་འདུན་པ་མ་བྱིན་པར་རོ།། རྐྱེན་དེ་ལྟ་བུ་མ་གཏོགས་ཏེ་ཞེས་བྱ་བ་ནི་རྐྱེན་བཞག་སྟེའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།།
346a6 དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཆོས་ཀྱི་གཏམ་རྣམ་པར་གཏན་ལ་འབེབས་པ་ན། ཅང་མི་སྨྲ་བས་ལངས་ཏེ་འགྲོ་ན་ཞེས་བྱ་བ་ནསདོན་མགོན
346a7 ཉེས་བྱས་སོ།། སྒྲ་མགོ་ལ་དོན་གོ་ན་ལྟུང་བྱེད་དོ།། ལྟུང་བྱེད་དྲུག་པའི་དྲུག་པ་རྫོགས་སོ།། གླེང་གཞི་ནི་མཉན་ཡོད་ནའོ།། དེའི་ཚེ་སྦོམ་དགའ་མོ་འཁོར་དང
iiif viewer powered by OpenSeadragon
