| e-texts navigator |
| Wylie |
323a1 ནི་བར་དུ་གཅོད་པ་ཡིན་ནོ་ཞེས། བཅོམ་ལྡན་འདས་ཀྱིས་གསུངས་པ་གང་ཡིན་པ་དེ་ལ་སོ་སོར་བསྟེན་ཀྱང་བར་དུ་གཅོད་པར་མི་འགྱུར་བ་དེ་ལྟར། ཁོ་མོ་ཅག་གིས་བཅོམ
323a2 ལྡན་འདས་ཀྱིས་ཆོས་བསྟན་པ་ཤེས་སོ་ཞེས་སྨྲ་བའི་སྐབས་དེ་དགེ་སློང་མ་རྣམས་ཀྱིས། བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་དག
323a3 ཁྱེད་ཀྱིས་དགེ་ཚུལ་མ་མཛེས་མ་དང་རྒྱས་མ་གཉིས་ལ་བཞམས་ཏེ་བསྒོ་བ་བྱོས་ཤིག། དེ་གཉིས་ལ་བཞམས་ཏེ་བསྒོ་བ་ན། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས།
323a4 འདི་ཉིད་བདེན་གྱི་གཞན་ནི་གཏི་མུག་གོ་ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས
323a5 བཀའ་སྩལ་ན། དགེ་སློང་མ་དག་ཁྱེད་ཀྱིས་དགེ་ཚུལ་མ་གཉིས་ལ་གསོལ་བ་དང་བཞིའི་ལས་ཀྱིས་བསྒོ་བ་བྱོས་ཤིག། བསྒོ་བ་ནི་འདི་ལྟར་བྱ་སྟེ། གནས་མལ་བཤམ་པ་བྱས་ནས།
323a6 ཞེས་བྱ་བ་ནས་དགེ་སློང་མ་རྣམས་ལ་དྲིས་པའི་ལན་ཡང་དག་པར་བསྒོ་ལ། དགེ་ཚུལ་མ་ཐོས་པའི་ཉེ་འཁོར་ནས་བཀར་ཏེ། མཐོང་བའི་ཉེ་འཁོར་དུ་འདུག་ཏུ་བཅུག་ནས
323a7 དགེ་སློང་མ་གཅིག་གིས་གསོལ་བ་བྱས་ཏེ་ལས་བྱའོ།། བྱ་བ་ནི་འདི་ལྟ་བུ་ཡིན་ཏེ། འཕགས་མའི་དགེ་འདུན་ཕུ་ནུ་མོ་དག་བདག་ལ་གསན་དུ་གསོལ། དགེ་ཚུལ་མ་འདི་གཉིས་ལ་སྡིག་པ་ཅན
iiif viewer powered by OpenSeadragon
