| e-texts navigator |
| Wylie |
316b1 སྟེ་རྣམས་ཀྱིས་འདི་སྐད་ཅེས། གང་དུ་ཆུབ་གཉིས་ཡིན་པ་དེ་ལ་ནི་གསུམ་དུ་འགྱུར་འདོད་ཅིག། གང་དུ་གསུ་མ་ཡིན་པ་དེ་ལ་ནི་བཞིར་འགྱུར་འདོད་ཅིག་ཅེས་སྨྲ་བའི་སྐབས་དེ་དགེ་སློང་མ་རྣམ
316b2 ཀྱིས། བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། གནས་པར་མི་བྱའོ།། གནས་ན་སྲུང་བྱེད་དོ།། དེ་རུས་དགེ་སློང་མ་དེ་རྣམས་ཀྱིས། དགེ་ཚུལ་མ
316b3 ངག་དགེ་ཚུལ་གྱི་ཀུན་དགའ་ར་བའི་ཕྱི་རོལ་ཏུ་བྱུང་བ་ན། དེ་དག་མི་སྦེད་ཅིང་མ་བསྲུངས་པར་གྱུར་པའི་སྐབས་དེ། བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ
316b4 སྤྲུལ་པ། དགེ་འདུན་གྱི་ཀུན་དགའ་ར་བའི་ཕྱི་རོལ་ཏུ་དབྱུང་བར་མི་བྱའོ།། དེ་ལྟ་མོད་ཀྱི་གཞི་སྤང་བར་བྱའོ།། དེ་ལྟར་བྱས་པ་དང་། དགེ་སློང་མ་ཞིག་གིས་དགེ་ཚུལ་མ་ནད་པ་ཞིག་ཡོད་པ
316b5 དེ་ལ་ཁ་ཟས་ཙམ་བྱིན་ནས། བདག་གིས་ལག་པས་བྱིན་ལེན་མ་བྱས་པར་མ་གྱུར་གྲང་ཞེས་སླར་ཡང་རེག་པར་མི་བྱེད་པ་དང་ཞེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ
316b6 རང་གི་ལག་གིས་སྐྲོད་པར་བྱ་སྟེ། དེ་ལ་འགྱོད་པར་མི་བྱའོ།། དེ་ནས་དགེ་ཚུལ་མ་ནད་པ་དེ་དག་ཟས་ཀྱིས་དུས་སུ་འདུག་པས་ནུབ་པར་གྱུར་པ་ན་དགེ་སློང་མ་དེ་དག་རྟེན་པར་མི་བྱེད་པ་ནས། བཅོམ་ལྡན་འདས
316b7 ཀྱིས་བཀའ་སྩལ་པ། སྟན་ཅིག་ཏུ་འདུག་ལ་བརྟེན་པར་བྱ་སྟེ། དེ་ལ་འགྱོད་པར་མི་བྱའོ།། དེ་ནས་ཡང་ནུབ་མོར་གྱུར་པ་ན། དགེ་ཚུལ་མ་དེ་དག་བོར་ཏེ་དོང་བ་དང་། ནད་པ་དེ་ཡང་ནུབ་མོ་སྐོམ་པ་དང་ཞེས་བྱ་བ་ནས།
iiif viewer powered by OpenSeadragon
