| e-texts navigator |
| Wylie |
316a1 འདུན་གྱི་བྱ་བ་ཆོས་དང་ལྡན་པ་ལ་འདུན་པ་བྱིན་ནས། དེའི་འོག་ཏུ་སྤོང་བའི་ཆོས་སུ་བྱེད་ཅིང་། དགེ་སློང་མ་འདུན་པ་ཕྱིར་བྱིན་ཅིག། ཁྱོད་ལ་མི་སྦྱིན་ནོ་ཞེས་ཟེར་ན་སྲུང་བྱེད
316a2 དོ།། ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ།། དགེ་འདུན་གྱི་བྱ་བ་ཆོས་དང་ལྡན་པ་ལ་ཞེས་བྱ་བ་ནི། དགེ་འདུན་གྱི་ཆོས་དང་ལྡན་པའི་དགེ་འདུན་གྱི་བྱ་བ་གསོལ་བ།
316a3 དང་གསོལ་བ་དང་གཉིས་དང་། གསོལ་བ་དང་བཞིའི་ལས་དག་གོ། འདུན་པ་བྱིན་ནས་ཞེས་བྱ་བ་ནི་བློ་གྲོས་བྱིན་ནས་སོ།། དེའི་འོག་ཏུ་ཞེས་བྱ་བ་ནི་དུས་གཞན་ནའོ།། སྤོང་བའི་ཆོས་སུ
316a4 བྱེད་ཅིང་ཞེས་བྱ་བ་ནི་འདི་སྐད་ཅེས། ཁོ་མོས་འདུན་པ་མ་བྱིན་ནོ་ཞེས་སྨྲ་བའོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ
316a5 སློང་མས་ཇི་ཙམ་ཅུང་ཟད་དགེ་འདུན་གྱི་བྱ་བ་ཆོས་དང་ལྡན་པ་ལ་འདུན་པ་བྱིན་ནས་སྤོང་བའི་ཆོས་སུ་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ།། གལ་ཏེ་བདེན་པ་ཉིད་དམ་ཉེས་པར་བྱིན་པ་ཡིན
316a6 ར་སྲུང་བ་མེད་དོ།། ལྟུང་བྱེད་བཞི་པའི་དྲུག་པ་རྫོགས་སོ།། ། གླེང་གཞི་ནི་མཉན་ཡོད་ནའོ།། གང་གི་ཚེ་བཅོམ་ལྡན་འདས་ཀྱིས་དགེ་སློང་རྒན་ཞུགས་ཤིག་ལ་བརྟེན་ནས། བསྙེན
316a7 པར་མ་རྫོགས་པ་དང་ལྷན་ཅིག་ཐམས་ཅད་དུ་གནས་པར་མི་བྱའོ།། གནས་ན་ལྟུང་བྱེད་དོ།། ཡང་དགེ་ཚུལ་སྒྲ་གཅན་ཟིན་ལ་བརྟེན་ནས། ནུབ་གཉིས་ཚུན་ཆད་རྗེས་སུ་གནང་ངོ་།། དེ་ནས་བཅུ་གཉིས
iiif viewer powered by OpenSeadragon
