| e-texts navigator |
| Wylie |
309a1 ཕྱིའི་ནི་ཁྲུས་བྱེད་པ་དང་། ཆག་ཆག་དང་། གོས་ལ་སོགས་པའི་བཀྲུབ་ཤལ་དང་། སྲེ་བ་དང་ག་འཚེད་པར་བྱེད་པ་དང་། བྱེད་དུ་འཇུག་པ་སྟེ། འདི་ནི་རྩའི་སྤྱོད་པ་ཞེས་བྱའོ།།
309a2 སོ་ཤིང་བཅའ་བ་དང་བཅང་བ་ཡང་ངོ་།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་སྲོག་ཆགས་དང་བཅས་པའི་ཆུ་ལ་སྲོག་ཆགས
309a3 དང་བཅས་པའི་ཆུར་འདུ་ཤེས་ནས། གཉིས་པོ་གང་ཡང་རུང་བར་སྤྱོད་ན་སྲུང་བྱེད་དོ།། དེ་བཞིན་དུ་ཡིད་གཉིས་ཟ་ན་ལྟུང་བྱེད་དོ།། དགེ་སློང་མས་སྲོག་ཆགས་མེད་པའི་ཆུ་ལ་སྲོག་ཆགས་དང
309a4 བཅས་པར་འདུ་ཤེས་ནས། གཉིས་པོ་གང་ཡང་རུང་བར་སྤྱོད་པར་བྱེང་ན་ཉེས་བྱས་སོ།། དེ་བཞིན་དུ་ཡིད་གཉིས་ཟ་ན་ཉེས་བྱས་སོ།། དེ་བཞིན་དུ་སྲོག་ཆགས་དང་བཅས་པའི་ཡལ་ག་དང་།
309a5 སྡོསྦོ་མ་དང་། འབྲས་བུ་ལ་སོགས་པ་ཡང་བརྗོད་པར་བྱའོ།། ལུང་བྱེད་གསུམ་པའི་བརྒྱད་པ་རྫོགས་སོ།། ། གླེང་གཞི་ནི་རྒྱལ་པོའི་ཁབ་ནའོ།། གང་གི་ཚེ་བཅོམ་ལྡན་འདས
309a6 ཀྱིས་ཀུན་དགའ་བོ་ལ་བརྟེན་ནས། གཅེར་བུ་པ་དང་གཅེར་བུ་མའི་བསླབ་པའི་གཞི་བཅའ་བ་མཛད་པ་དེའི་ཚེ། བཅུ་གཉིས་སྡེ་རྣམས་རང་གི་ལག་གིས་བཟའ་བ་དང་བཅའ་བ།། གཅེར་བུ་པ་དང་།
309a7 གཅེར་བུ་མ་རྣམས་ལ་སྦྱིན་པར་བྱེད་པ་དང་། དོན་རུང་བའི་དགེ་སློང་མ་རྣམས་སྨོད་པར་བྱེད་པའི་སྐབས་དེ། བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ།
iiif viewer powered by OpenSeadragon
