| e-texts navigator |
| Wylie |
302b1 དེ་ལྟར་གཡས་ཞར་མ་དེ་ལེན་པའི་བར་ཆད་བྱས་པར་གྱུར་ཏོ།། བྲམ་ཟེ་དང་ཁྱིམ་བདག་རྣམས། དགེ་སྦྱོང་ཤཱཀྱའི་སྲས་རྣམས་ཀྱིས་དགེ་སྦྱོང་གི་ཚུལ་དང་ཚངས་པའི་ཚུལ་ནི་ཚིག་པ་ཡིན་ཏེ། གང་གི་ཕྱིར།
302b2 བུ་མོ་ལེན་པའི་བར་ཆད་བྱེད་དོ་ཞེས་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས། བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ
302b3 བཅའ་བའི་བར་དུ་མཛད་དེ། ཡང་དགེ་སློང་མ་རབ་ཏུ་མང་པོ་ཁྱིམ་རྣམས་སུ་དོང་བ་ན། དེ་དག་ལ་གལ་ཏེ་བྲམ་ཟེ་དང་ཁྱིམ་བདག་དད་པ་ཅན་རྣམས་སྐྱོ་མ་འམ་སྡུམ་འཁུར་དག་གིས
302b4 ཤིན་ཏུ་སྟོབས་པར་བྱེད་ལ་འདོད་ན། དགེ་སློང་མ་དེས་ལྷུང་བཟེད་དོ་འམ་གསུམ་བླང་བར་བྱའོ།། དེ་ལས་ལྷག་པར་ལེན་ན་ལྟུང་བྱེད་དོ།། ལྷུང་བཟེད་དོ་འམ་གསུམ་བླངས་ནས། ཁྱིམ་གྱི་ཕྱི
302b5 རོལ་ཀུརན་དགའ་ར་བར་སོང་ལ། དགེ་སློང་མ་འཁོད་པ་རྣམས་དང་བགོ་བར་བྱ་སྟེ། དེ་ལ་ཆོ་ག་ནི་དེ་ཡིན་ནོ།། ཡང་དགེ་སློང་མ་ཞེས་བྱ་བ་ནི་བཅུ་གཉིས་སྡེ་དག་གོ། ཁྱིམ
302b6 རྣམས་སུ་དོང་བ་ན་ཞེས་བྱ་བ་ནི་བྲམ་ཟེ་དང་ཁྱིམ་བདག་གིས་ཁྱིམ་རྣམས་སུའོ།། དེ་དག་ལ་གལ་ཏེ་བྲམ་ཟེ་དང་ཁྱིམ་བདག་དད་པ་ཅན་དག་ཅེས་བྱ་བ་ལ། དད་པ་ཅན་ཞེས་བྱ་བ་ནི
302b7 སངས་རྒྱས་ལ་མངོན་པར་དད་པ་དང་། ཆོས་ལ་དང་དགེ་འདུན་ལ་མངོན་པར་དད་པ་ཞེས་བྱ་བ་ནས། འབྲས་བུ་ཐོབ་པ་ཞེས་བྱ་བའི་བར་གང་ཡིན་པའོ།། ཤིན་ཏུ་ཞེས
iiif viewer powered by OpenSeadragon
