| e-texts navigator |
| Wylie |
302a1 ལགས་སོ།། དེ་གཉིས་ཀྱིས་འདི་སྐད་ཅེས་སྨྲས་སོ།། དེ་རིང་ཁོ་བོ་ཅག་གི་སྲིང་མོ་རྫོང་ན།། ཁོ་བོ་ཅག་གིས་དེ་རིང་ཁོ་ན་བསོད་སྙོམས་མི་རྙེད་དམ། དེ་དགའ་བ་དང
302a2 མགུ་བ་དང་། རབ་ཏུ་དགའ་བའི་ཡིད་ཀྱིས་བསོད་སྙོམས་མང་དུ་བྱིན་ནོ།། དེ་གཉིས་ཀྱིས་བསོད་སྙོམས་བླངས་ནས་དོང་ངོ་།། དེའི་འོག་ཏུ་སྦོམ་དགའ་མོ་དང་གཙུག་དགའ་མོ་འོངས་ནས
302a3 དེ་གཉིས་ཀྱིས་ཀྱང་བསོད་སྙོམས་བླངས་ཏེ་དོང་ངོ་།། དྷི་ཙམ་ན་རྒྱལ་དང་ཉེ་རྒྱལ་གྱིས། སྦོམ་དགའ་མོ་དང་གཙུག་དགའ་མོ་ལག་པ་གང་ཞིང་སྲུང་བཟེད་གང་བ་མཐོང་ངོ་།། མཐོང་ནས་ཀྱང་འདི་སྐད
302a4 ཅེས་སྨྲས་སོ།། ཕུ་ནུ་མོ་དག་གཡས་ཞར་མ་དེ་རིང་རྫོ་བ་ལ་བབ་ཀྱིས་དེངས་ཤིག། དེ་ནས་རྒྱལ་དང་ཉེ་རྒྱལ་ཡང་བསོད་སྙོམས་ཀྱི་ཕྱིར་དེ་ཉིད་དུ་དོང་ངོ་།། དེ་བཞིན་དུ་རྒྱལ་གྲོགས་མ་དང་། རྒྱལ
302a5 སྐྱོང་བ་དང་། དེ་བཞིན་དུ་བཟང་མོ་དང་། ཤིན་ཏུ་བཟང་མོ་དང་། དེ་བཞིན་དུ་མཛེས་དགའ་མོ་དང་། རྒྱལ་ལྡན་མ་ཡང་དོང་ནས། ཁྱིམ་དེ་ན་གཡས་ཞར་མ་རྫོང་བའི་ཆེད་དུ་སྟ་གོན་བྱས
302a6 པ་ཅུང་ཟད་ཅི་ཡོད་པ་དེ་ཐམས་ཅད་བཅུ་གཉིས་སྡེ་རྣམས་ལ་བྱིར་རོ།། ཇི་ཙམ་ན་ཡང་སྟ་གོན་བྱ་བར་བརྩམས་པ་དང་།། དེ་ནས་ཆུང་མ་གསོད་པ་དེའི་ན་ཟླ་ཞིག་ཡོད་པ་དེས་སྨྲས་པ། གཡས
302a7 ཞར་མ་ནི་སྦྱོར་མང་པོ་ཅན་ཡིན་ཏེ། རྒྱ་སྐྱེགས་ཤིང་གི་སོ་ཤིང་དང་། ནུབ་ཏུ་སྔས་བསྟེན་ཉལ་བ་དང་། དགོངས་ཀའི་ཞོ་འཐུང་གཡས་ཞར་ལེན། ཞི་བ་ཡང་ནི་གནས་ནས་འཕོ། ཞེས་སྤྲས་ཏེ།
iiif viewer powered by OpenSeadragon
