| e-texts navigator |
| Wylie |
301a1 བ་མ་མཛད་དམ། དེ་དག་གིས་འདི་སྐད་རྗེས། བཅོམ་ལྡན་འདས་ཀྱིས་བཅས་པ་དེ་ནི་དགེ་སློང་རྣམས་ཀྱིས་ཡིན། དགེ་སློང་མ་རྣམས་ཀྱི་ནི་མ་ཡིན་ནོ་ཞེས་སྨྲས་པ།
301a2 དང་། དོན་ཉུང་བའི་དགེ་སློང་མ་རྣམས་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས། དགེ་སློང་དག་ལ་སྨྲས་པ་དང་། དགེ་སློང་དག་གིས། བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང
301a3 ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དོ།། དགེ་སློང་མ་གང་མི་ན་བར་འདུག་གནས་གཅིག་ན་འདུག་པས་བསོད་སྙོམས་ལན་ཅིག་བཟའ་བར་བྱ་སྟེ།
301a4 དེ་ལས་ལྷག་པར་ཟ་ན་ལྟུང་བྱེད་དོ།། འདུག་གནས་གཅིག་ཏུ་ཉལ་ན་ཞེས་བྱ་བ་ནི། མུ་སྟེགས་ཅན་གྱི་གནས་སུ་ཉལ་ནའོ།། དགེ་སློང་མ་གང་ཞེས་བྱ་བ་ནི་བཅུ་གཉིས
301a5 སྡེ་དག་གོ། མི་ན་བར་ཞེས་བྱ་བ་ནི་ན་བ་མ་གཏོགས་པའོ།། བསོད་སྙོམས་ལན་ཅིག་བཟའ་བར་བྱ་སྟེ་ཞེས་བྱ་བ་ནི་ཕྱི་མ་ཤོས་མ་ཡིན་པའོ།། དེ་ལས་ལྷག་པར་ཞེས་བྱ་བ་ནི་དེ་ལས་འདས།།
301a6 པར་རོ།། ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་འདུག་གནས་སུ་གནས་སམ། འདུག་གནས
301a7 སུ་ཟ་བ་ན། གནས་པ་ན་དེ་ལ་ཉེས་བྱས་སོ།། ཟ་ན་ལྟུང་བྱེད་དོ།། འདུག་གནས་སུ་གནས་ཤིང་གཞན་དུ་ཟ་ན། འདུག་གནས་སུ་གནས་པ་ན་དེ་ལ་ཉེས་བྱས་སོ།། གཞན་དུ་ཟ
iiif viewer powered by OpenSeadragon
