| e-texts navigator |
| Wylie |
300b1 འཇི་བའི་རིམ་པ་གཉིས་སམ་གསུམ་ཞེས་བྱ་བ་ལ་འཇི་བ་ཞེས་བྱ་བ་ནི་འཇི་བའོ།། རིམ་པ་ཞེས་བྱ་བ་ནི་རྩེག་མའོ།། ཅིག་པར་བྱའོ་ཞེས་བྱ་བ་ནི་བསྣང་བར་བྱའོ།། དེ་ལས་ལྷག་པར་ཞེས་བྱ་བ་ནི་དེ་ལམ།
300b2 གོང་དུའོ།། སྲུང་བྱེད་དོ་ཞེས་བྱ་བ་ནི་གོང་མ་བཞིན་ནོ།། དེ་ལ་སྲུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་འཇི་བའི་རིམ་པ་གཉིས་སམ་གསུམ་ལས་ལྷག་པར
300b3 བརྩིག་ན་ཐམས་ཅད་དུ་ལྟུང་བྱེད་དུ་འགྱུར་རོ།། གལ་ཏེ་གཙུག་ལག་ཁང་རྡོ་བའི་རྒྱུ་ལས་བརྩིག་གམ། གཙུག་ལག་ཁང་གི་བདག་པོ་རིངས་ན་ལྟུང་བ་མེད་དོ།། ལྟུང་བྱེད་གཉིས་པའི་དགུ་པ
300b4 རྫོགས་སོ།། ། གླེང་གཞི་ནི་མཉན་ཡོད་ནའོ།། གང་གི་ཚེ་ཚེ་དང་ལྡན་པ་ཤཱ་རིའི་བུ་གཅེར་བུ་པའི་འདུག་གནས་སུ་འདུག་ནས། ཁྱིམ་བདག་ཆུང་མ་དང་འཁོར་དང་།
300b5 བཅས་པ་རྒྱུན་དུ་ཞུགས་པའི་འབྲས་བུ་ལ་རབ་ཏུ་བཞག་གོ།། དེ་ཉིད་ལ་རབ་ཏུ་བརྟེན་ནས་སྲོག་ཆགས་ཁྲི་ཉིས་སྟོང་བདེན་པ་མཐོང་བར་བྱས་པ་ན། ཚེ་དང་ལྡན་པ་ཤཱ་རིའི་བུ་ལས་བརྟེན
300b6 ཏྲེ་ལེགས་པར་བརྟགས་ནས་བསླབ་པའི་གཞི་བཅའ་བ་མཛད་པ་དེའི་ཚེ། བཅུ་གཉིས་སྡེ་རྣམས་འདུག་གནས་གཅིག་ཏུ་ཉལ་བར་བྱེད། འདུག་གནས་གཅིག་ཏུ་ཟོས་ནས་བསོད་སྙོམས་ཀྱི།
300b7 མ་ཤོས་ཀྱང་ཟ་བར་བྱེད་པ་དང་། རང་བཞིན་དུ་གནས་པའི་དགེ་སློང་མ་རྣམས་ཀྱིས་འདི་སྐད་ཅེས་སྨྲས་སོ།། ཀྱེ་ཕུ་ནུ་མོ་དག་བཅོམ་ལྡན་འདས་ཀྱིས་འདུག་གནས་ཀྱི་བསླབ་པའི་གཞི་བཅའ
iiif viewer powered by OpenSeadragon
