| e-texts navigator |
| Wylie |
271b1 ཟེར་བར་བྱེད་པའི་སྐབས་དེ། བཅོམ་ལྡན་འདས་ལ་གསོལ་ཏོ།། དེ་ནས་བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་དེ་ཐམས་ཅད་ནི་ཆོས་བསྟན་པ་ལས་གྱུར་གྱིས། དེ་ལྟ།
271b2 བས་ན་ཆོས་བསྟན་པར་མི་བྱའོ།། དེ་དག་ཡང་བསོད་སྙོམས་ཀྱི་ཕྱིར་ཞུགས་པ་ན། བྲམ་ཟེ་དང་ཁྱིམ་དག་རྣམས་ཀྱིས་སྨྲས་པ། འཕགས་མ་དག་ཆོས་ཤོད་ཅིག། དེ་རྣམས་ཀྱིས་འདི་སྐད་ཅེས་སྨྲས་སོ།།
271b3 བཅོམ་ལྡན་འདས་ཀྱིས་བཀག་གོ།། བྲམ་ཟེ་དང་ཁྱིམ་བདག་དེ་རྣམས་ཀྱིས་འདི་སྐད་ཅེས་སྨྲས་སོ།། བདག་ཅག་གི་སྡུམ་པའི་བསོད་སྙོམས་ཀྱང་བཀག་ལགས་མོད། དེ་རྣམས་ཡང་བསོད་སྙོམས
271b4 ཀྱིས་འཕོངས་པར་གྱུར་པ་ནས། བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཚིག་ལྔའི་ཆོས་བསྟན་པར་བྱའོ།། བཅོམ་ལྡན་འདས་ཀྱིས་ཚིག་ལྔའི
271b5 ཆོས་བསྟན་པར་བཀའ་སྩལ་པ་ན། དེ་རྣམས་ཀྱིས་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གཟུགས་ནི་མི་རྟག་གོ།། ཚོར་བ་དང་། འདུ་ཤེས་དང་། འདུ་བྱེད་རྣམས་དང་།
271b6 རྣམ་པར་ཤེས་པ་ནི་མི་རྟག་གོ་ཞེས་བྱ་བའོ།། གང་གི་ཚེ་དེ་རྣམས་ཀྱིས་ཚིག་ལྔའི་ཆོས་བསྟན་པར་བརྩམས་པ་དང་། དེ་ནས་བྲམ་ཟེ་དང་ཁྱིམ་བདག་དེ་རྣམས་ཀྱིས་འདི་སྐད་ཅེས་སྨྲས་སོ།། འཕགས
271b7 མ་དག་ཅིའི་སླད་དུ་ཁྱེད་ཀྱིས་ཆོས་མང་དུ་མི་བཤད། ཁྱིམ་བདག་བཅོམ་ལྡན་འདས་ཀྱིས་དེ་ཙམ་ཞིག་བཅའ་བ་མཛད་དོ།། འཕགས་མ་དག་ཅི་ཁྱེད་སྤྲིག་ཀའི་རིན་གྱི་ཆོས་ཤིག་བསྟན་པར་རྩོམ་མམ།
iiif viewer powered by OpenSeadragon
