| e-texts navigator |
| Wylie |
271a1 པའོ།། དང་པོའི་གསུམ་པོ་གང་ཡིན་པ་གཉུག་མར་གནས་པ་དང་། ལས་བྱེད་པ་དང་། འདུན་པ་འབུལ་བ་སྟེ། འདི་དག་གིས་ཆོས་བཞིན་དུ་རྩོད་པ་སྦྱངས་པ་ལས། ཡང་ལས་ཀྱིས།
271a2 སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ།། ཐ་མ་གཉིས་ཀྱིས་སྐྱོ་སྔོགས་བྱེད་ན་ཉེས་བྱས་སོ།། གལ་ཏེ་ཤད་ཀྱིས་ཉེས་པར་སྦྱངས་པ་ཡིན་ན་ལྟུང་བ་མེད་དོ།། ལྟུང་བྱེད་བཞི་པ་རྫོགས་སོ།། །
271a3 བམ་པོ་བཅུ་དྲུག་པ།། གླེང་གཞི་ནི་མཉན་ཡོད་ནའོ།། དེ་ནས་སྦོམ་དགའ་མོ་ཁྱིམ་བདག་གིས་ཁྱིམ་དེ་དང་དེ་རྣམས་སུ་བསོད་སྙོམས་ཀྱི་ཕྱིར་ཞུགས་ཏེ། བྲམ་ཟེ
271a4 དང་ཁྱིམ་བདག་དེ་དག་ལ་གཅིག་པུ་འདུག་ཅིང་ཆོས་སྟོན་པ་ན། དེས་བུད་མེད་རྣམས་ཀྱིས་བུད་མེད་ཀྱི་གསང་བ་དང་། བུད་མེད་ཀྱིས་གསང་ཆེན་གང་ཡིན་པ་ཐམས་ཅད་སྐྱེས་པ་དེ་དག་ལ་བསྟན་ཏོ།།
271a5 སྐྱེས་པ་དེ་དག་གིས་ཀྱང་ཆུང་མ་དེ་དག་ལ་སྨྲས་སོ།། བུད་མེད་ནི་ཕྲག་དོག་ཅན་ཡིན་པས། དེ་ནས་དགེ་སློང་མ་གནས་བརྟན་གནས་བརྟན་བསོད་སྙོམས་ལ་རྒྱུ་བ་ན་འཇིག་རྟེན་ལ་ཅོ་འདྲི་བར་བྱེད་པ
271a6 ཁྱེད་ཅག་ལ་སུ་ཞིག་བསོད་སྙོམས་སྦྱིན་པར་བྱེད་པར་སེམས་པར་འགྱུར་ཞེས་ཁ་ཟེར་བ་དང་། ཨེ་མའོ་ཕུ་ནུ་མོ་དག་འདི་ཅི་ཉེས་ན་གཤེ་བར་གྱུར། དེ་དག་གིས་འདི་སྐད་ཅེས་སྨྲས་སོ།།
271a7 འཕགས་མ་སྦོམ་དགའ་མོ་བདག་ཅག་ཁྱིམ་ཐབ་དག་གི་མདུན་ཅོ་ཆིས་སོ།། དེ་རྣམས་ཀྱིས་བསོད་སྙོམས་མ་རྙེད་དེ་། དེ་རྣམས་ཀྱིས་བསོད་སྙོམས་མ་རྙེད་པ་ན་སྤོད་པར་བྱེད་ཕྱར་ཀ་གཏོང་བར་བྱེད།
iiif viewer powered by OpenSeadragon
