| e-texts navigator |
| Wylie |
241b1 ལག་ཁང་དུ་ག་མ་ལ་བསྡུ་བའི་ཕྱིར་དེས་སྔམ་སྦྱར་ཚོན་གསར་གྱིས་ཁ་བསྒྱུར་བ་དམར་སེར་ཞིག་བགོས་ཏེ་སོང་བ་དང་། སྲིང་མོ་དེས་དྲིས་པ། མིང་པོ་ཆོས་གོས་འདི་སུའི་ལགས། དེས་འདི་སྐད་ཅེས་སྨྲས་སོ།།
241b2 ཁོ་བོའི་ཡིན་ནོ།། དེས་འདི་སྐད་ཅེས་བདག་ལ་སྩོལ་ཅིག་ཅེས་སྨྲས་པ་ལས། དེས་མ་བྱིར་པ་དང་། དེ་ངུ་བར་གྱུར་ཏོ།། དེ་ལ་མས་དྲིས་པ། བུ་མོ་ཅི་སྟེ་ངུ། དེས་འདི་སྐད་ཅེས་སྨྲས་སོ།། མིང་པོ་ལ་བདག་གིས
241b3 ཆོས་གོས་བསྲུངས་ན། དེས་མ་སྩལ་ཏོ།། དེ་ནས་མས་གཞོན་ནུ་འདུན་པ་ལ་སྨྲས་པ། བུ་སྲིང་མོ་ལ་ཆོས་གོས་བྱིན་ཅིག། དེས་སྨྲས་པ། ཉེས་པ་འགའ་ཞིག་ཏུ་མི་འགྱུར་ལགས་གྲང་། དེས་འདི་སྐད
241b4 ཅེས་སྨྲས་སོ།། དེ་ལ་ཉེས་པ་ཅི་ཡང་མེད་དོ།། དེ་ནས་འདུན་པས་ཆོས་གོས་དེ་འདུན་མ་ལ་བྱིན་ནོ།། འདུན་མས་ཀྱང་རང་གི་ཆོས་གོས་འདུན་པ་ལ་བྱིན་ནོ།། དེ་ནས་འདུན་མས་ཆོས་གོས་དེ་ཞག་མང
241b5 པོ་མ་ལོན་པར་དྲི་མ་ཅན་དུ་བྱས་སོ།། འདུན་པས་ཡང་ཆོས་གོས་དེ་ལེགས་པར་བཀྲུས་ཤིང་ལེགས་པར་ཁ་བསྒྱུར་བ་བྱས་ནས། ཡང་མ་བལྟ་བའི་ཕྱིར་སོང་བ་དང་། དེ་ནས་འདུན་མས་མིང་པོ་ལ་འདི
241b6 སྐད་ཅེས་སྨྲས་སོ།། མིང་པོ་ཆོས་གོས་འདི་སུའི་ལགས། དེས་འདི་སྐད་ཅེས་སྨྲས་སོ།། འདི་དེའི་ཚེ་ཁྱོད་ཀྱི་ཡིན་མོད། དེས་འདི་སྐད་ཅེས་སྨྲས་སོ།། རང་གི་ཆོས་གོས་འདི་སྡོམས་ལ། བདག་གི་ཆོས
241b7 གོས་ནི་ཚུར་སྩོལ་ཅིག། དེས་མ་བྱིན་པ་དང་། དེས་ཡང་མ་ལ་གསོལ་བ་བཏབ་པ་དང་། བུ་བྱིན་ཅིག། དེས་དེ་ལ་བྱིན་ནོ།། དེ་ནས་དགེ་སློང་མ་འདུན་མ་ལ། དགེ་སློང་མ་རྣམས་ཀྱིས་སྦས་པ། ཁྱོད
iiif viewer powered by OpenSeadragon
