| e-texts navigator |
| Wylie |
239b1 བསྟེན་པར་བྱ་བའི་སྨན་རྗེས་སུ་གནང་བ་གང་ཡིན་པ་འདི་ལྟ་སྟེ། མར་སར་དང་། ཏིལ་མར་དང་། སྦྲང་རྩི་དང་། བུ་རམ་གྱི་དབུ་བ་སྟེ། དེ་དག་དགེ་སློང་མ་ནད་པས་གསོག་འཇོག་གི་ལོངས་སྤྱོད་ཀྱིས་ཞག་བདུན་གྱི།
239b2 མཐར་ཐུག་པར་ལོངས་སྤྱད་པར་བྱའོ།། དེ་ལས་འདས་པར་ལོངས་སྤྱོད་ན་སྤང་བའི་ལུང་བྱེད་དོ།། ཡང་བཅོམ་ལྡན་འདས་ཀྱིས་ཞེས་བྱ་བ་ནི། དེ་བཞིན་གཤེགས་པ་དགྲ་བཅོམ་པ་ཡང
239b3 དག་པར་རྫོགས་པའི་སངས་རྒྱས་ཀྱིས་སོ།། དགེ་སློང་མ་ནད་པ་རྣམས་ལ་ཞེས་བྱ་བ་ནི་ན་བ་རྣམས་ལའོ།། འཕྲོད་པ་ཞེས་བྱ་བ་ནི་རྗེས་སུ་མཐུན་པའོ།། སོ་སོར་བསྟེན་པར་བྱ་བའི་ཞེས་བྱ་བ་ནི་རུང་བའི
239b4 འོ།། སྨན་རྣམས་ཞེས་བྱ་བ་ལ་མར་སར་ཞེས་བྱ་བ་ནི་མར་རོ།། ཏིལ་མར་ཞེས་བྱ་བ་ནི་ཏིལ་མར་ཉིད་དོ།། སྦྲང་རྩི་ཞེས་བྱ་བ་ནི་སྦྲང་བུའི་འོ།། བུ་རམ་གྱི་དབུ་བ་ཞེས་བྱ་བ་ནི་བུ་རམ་མོ།། ཞག་བདུན
239b5 པའི་མཐར་ཐུགས་པའི་ཞེས་བྱ་བ་ནི་ཉིན་ཞག་བདུན་དུའོ།། གསོག་འཇོག་གི་ལོངས་སྤྱོད་ཀྱིས་ཞེས་བྱ་བ་ནི་བྱིན་གྱིས་བརླབས་ནས་སོ།། སོ་སོར་བསྟེན་པར་ཞེས་བྱ་བ་ནི་བཟའ་བར་བྱ་བའོ།། དེ་ལས
239b6 འདས་པར་ཞེས་བྱ་བ་ནི་དེ་ལས་ལྷག་པར་རོ།། སྤང་བའི་སྲུང་བྱེད་དོ་ཞེས་བྱ་བ་ནི་སྔ་མ་བཞིན་ནོ།། དེ་ལ་སྲུང་བར་ཇི་ལྟར་འགྱུར་ཞེ་ན། དགེ་སློང་མས་ཆོས་ལ་ན་བའི་སྤྱན་ཞིག་རྙེད་ན།།
239b7 དེས་ན་བའི་སྨན་དེ་ཞག་བདུན་པའི་ནང་རོལ་ཏུ་བྱིན་གྱིས་བརླབ་པར་བྱ་བ་འམ། གཏང་བར་བྱ་བ་འམ། ལོངས་སྤྱད་པར་བྱའོ།། བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། ལོངས་སྤྱོད་པར་མི་བྱེད་ན།
iiif viewer powered by OpenSeadragon
