| e-texts navigator |
| Wylie |
239a1 གནས་ནས་བཟུང་སྟེ། བུམ་པའི་བར་མེ་ཏོག་གི་གནས་དང་། སྒོ་ཁང་ལ་སོགས་པ་དང་། དེ་བཞིན་དུ་རིམ་གྲོའི་ཁང་པར་བསྔོས་པ་རྒོད་ཁང་དུ་སྒྱུར་བར་བྱེད་པ་དང་། དེ་བཞིན་དུ་བསྲོ་ཁང་།
239a2 དང་། དགེ་འདུན་གྱི་ཀུན་དགའ་ར་བ་དང་། ཀ་བ་དང་། གདུང་དང་གས་ལ་ཡང་བརྗོད་པར་བྱའོ།། ཐ་ན་མུ་ལྟོ་བ་གཅིག་ལ་བསྔོས་པ་གཉིས་པ་ཤོས་ལ་སྒྱུར་བར་བྱེད་ན་ཡང་ཉེས་བྱས་སོ།། གལ་ཏེ་བཙལ་བ
239a3 ལས་མ་རྙེད་དམ་གནང་བར་བྱིན་མཉེས་པ་མེད་དོ།། སྤང་བའི་ལུང་བྱེད་བཅོ་བརྒྱད་པ་རྫོགས་སོ།། ། བམ་པོ་བཅུ་བཞི་པ། གླེང་གཞི་ནི་རྒྱལ་པོའི་ཁབ
239a4 ནའོ།། གང་གི་ཚེ་བཅོམ་ལྡན་འདས་ཀྱིས། པི་ཡིན་དའི་བུའི་ལྷན་ཅིག་གནས་པ་དང་ལྡེ་གནས་རྣམས་ལས་བརྟེན་ཏེ། གཉིས་ཀའི་ཐུན་མོང་བའི་ནད་ཀྱི་སྨན་གྱི་བསླབ་པའི་བཞི་བཅའ་བར་མཛད་པ་དེའི་ཚེ།
239a5 སློང་མ་བཅུ་གཉིས་སྡེ་རྣམས་ཀྱིས་ནད་ཀྱི་སྨན་དེ་ལས་བྱིན་ལེན་བྱས་ཤིང་ཟ་བར་བྱེད། མྱུར་བར་བྱིན་ལེན་བྱས་ནས་དེ་ལས་བྱིན་ལེན་བྱས་པ་དག་ཕན་ཚུན་དུ་སྲེ་བར་བྱེད། ཟས་ཀྱི་ཕྱེ་མ་དང་འདྲེས་ཤིང
239a6 ཤན་འབགས་པ་དབྱེར་ཡང་མི་མངོན་པ་དེ་དག། དུས་དང་དུས་མ་ཡིན་པར་ཟ་བར་བྱེད་པའི་སྐབས་དེ་དགེ་སློང་མ་རྣམས་ཀྱིས། དགེ་སློང་དག་ལ་སྨྲས་པ་དང་། དགེ་སློང་དག་གིས། བཅོམ་ལྡན་འདས་ལ
239a7 གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་བཅོམ་ལྡན་འདས་ཀྱིས་དགེ་སློང་མ་ནད་པ་རྣམས་ལ་འཕྲོད་པ་སོ་སོར།
iiif viewer powered by OpenSeadragon
