| e-texts navigator |
| Wylie |
226a1 གལ་ཏེ་བྱས་པ་རྙེད་ན་ལོངས་སྤྱད་པ་ལན་སྲུང་བ་མེད་དོ།། སྲང་བའི་ལྟུང་བྱེད་དགུ་པ་རྫོགས་སོ།། གླེང་གཞི་ནི་རྒྱལ་པོའི་ཁབ་པ་ནའོ།། གང་གི།
226a2 ཚེ་བཅོམ་ལྡན་འདས་ཀྱིས་གཙུག་ན་ནོར་བུའི་མདོ་ལས་འབྱུང་བའི་ངོ་བོ་ལ་བརྟེན་ནས་གསེར་དང་དངུལ་ལེན་པའི་བསླབ་པའི་གཞི་བཅའ་བ་མཛད་པ་དེའི་ཚེ་། ཡང་བཅུ་གཉིས་སྡེ་རྣམས་ཀྱིས
226a3 དེའི་ཚེ་ག་གསེར་དང་དངུལ་རང་གི་ལག་གིས་ལེན་པར་བྱེད། ལེན་དུ་འཇུག་པར་བྱེད་པ་དང་། དགེ་སློང་མ་དོན་ཉུང་བ་དག་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ
226a4 གསོལ་ཏོ།། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་རང་གི་ལག་གིས་གསེར་དང་དངུལ་ལེན
226a5 པར་བྱེད་དམ། ལེན་དུ་འཇུག་ན་སྤང་བའི་ལྟུང་བྱེད་དོ།། ཡང་དགེ་སློང་མ་གང་ཞེས་བྱ་བ་ནི་སྔ་མ་བཞིན་ནོ།། རང་གི་ལག་གིས་ཞེས་བྱ་བ་ནི་བདག་ཉིད་ཀྱིའོ།། གསེར་དང་དངུལ་ཞེས
226a6 བྱ་བ་ནི་དབྱིག་དང་གསེར་རོ།། ལེན་པར་བྱེད་དམ་ཞེས་བྱ་བ་ནི་བདག་ཉིད་ཀྱིས་སོ།། ལེན་དུ་འཇུག་ན་ཞེས་བྱ་བ་ནི་གཞན་གྱིས་སོ།། སྤང་བའི་ལྟུང་བྱེད་དོ་ཞེས་བྱ་བ་ནི་གྲོང་མ་བཞིན་ནོ།།
226a7 དེ་ལ་ལྟུང་བར་ཇི་ལྟར་འགྱུར་ཞེ་ན།། གཞི་བཅོ་བརྒྱད་ཀྱིས་ཏེ། འདི་ལོང་ཞིག། འདི་ནས་ལོང་ཞིག། འདི་ཙམ་ལོང་ཞིག་ཅེས་བྱ་བ་དང་། འདི་ཁྱེར་ཏེ་ཤོག་འདི་ནས་ཁྱེར་ཏེ་ཤོག
iiif viewer powered by OpenSeadragon
