| e-texts navigator |
| Wylie |
224b1 རོ།། གོས་གྲུབ་ན་ཞེས་བྱ་བ་ནི་ཐོབ་ནའོ།། སྤང་བའི་ལྟུང་བྱེད་དོ་ཞེས་བྱ་བ་ནི། དངོས་པོ་དེ་སྤངས་ནས་ཞེས་བྱ་བ་སྔ་མ་བཞིན་ནོ།། ཇི་སྟེ་མ་གྲུབ་ན་ཞེས་བྱ་བ་ནི་མ་ཐོབ་ནའོ།། དགེ་སློང་མ་དེས་ཞེས་བྱ་བ་ནི་ཉེ་དགའ།
224b2 མོའོ།། ཕྱོགས་གང་ནས་གོས་ཀྱི་རིན་དེ་དག་འོངས་པར་གྱུར་པ་ཞེས་བྱ་བ་ནི། གང་ལས་འོངས་པར་གྱུར་པའོ།། དེར་བདག་ཉིད་འགྲོ་བར་བྱ་བ་འམ་ཞེས་བྱ་བ་ནི་རང་ཉིད་དོ།། ཡིད་གཙིགས་པའི་ཕོ་ཉ་གཏང
224b3 བར་བྱའོ་ཞེས་བྱ་བ་ནི།། གང་ཞིག་སོང་ན་དོན་དེ་བྱེད་པར་འགྱུར་བའོ།། ཁྱོད་ཀྱིས་དགེ་སློང་མ་མིང་འདི་ཞེས་བྱ་བའི་ཆེད་དུ་གོས་ཀྱི་རིན་བསྐུར་བ་གང་ཡིན་པ་དེ་དག་གིས་ནི། དེའི་དོན་ཅི་ཡང་མ་གྲུབ
224b4 ཅེས་བྱ་བ་ནི། དགོས་པ་ཅུང་ཟད་ཀྱང་མ་བྱས་པའོ།། ཤེས་པར་གྱིས་ཤིག་ཅེས་བྱ་བ་ནི། ཚེ་དང་ལྡན་པ་དག་རང་གི་ནོར་ཚུལ་མ་ཡིན་པར་ཆུད་མ་གཟན་ཅིག་ཅེས་བྱ་བའོ།། དེ་ལ་དེ་ནི་ཆོ
224b5 ག་ཡིན་ནོ་ཞེས་བྱ་བ་ནི། རྗེས་སུ་མཐུན་པའི་ཆོས་ཡིན་ནོ།། དེ་ལ་ལྟུང་བར་ཇི་ལྟར་འགྱུར་ཞེ་ན། གལ་ཏེ་ཞལ་ཏེ་བྱེད་པ་དེ་དགེ་སློང་མའི་དྲུང་དུ་སོང་ནས་འདི་སྐད་ཅེས
224b6 འཕགས་མ་གོས་དག་སྡོམས་ཤིག་ཅེས་ཟེར་ན། དགེ་སློང་མ་དེས་ཞལ་ཏ་བྱེད་པ་དེ་ལ་འདི་སྐད་ཅེསའདི་དག་ཁོ་མོས་སྤངས་ཟིན་གྱིས། དེ་ཉིད་ལ་བྱིན་ཅིག་ཅེས་བརྗོད་པར་བྱའོ།།
224b7 གལ་ཏེ་ཞལ་ཏ་བྱེད་པ་དེ་ཡང་འདི་སྐད་ཅེས། འཕགས་མ་གོས་འདི་དག་པཞེས་ཤིག་དང་། བདག་གིས་དེའི་སེམས་གཟུང་ལགས་ཀྱིས་ཞེས་ཟེར་ན། གལ་ཏེ་དགེ་སློང་མས་རིམ་པ་འདི
iiif viewer powered by OpenSeadragon
