| e-texts navigator |
| Wylie |
223a1 ལེགས་པར་འདོད་པ་ཉེ་བར་བཟུང་སྟེའོ།། དགེ་སློང་མ་དེས་ཞེས་བྱ་བ་ནི་ཉེ་དགའ་མོས་སོ།། ཕོཉ་བདེ་ཞེས་བྱ་བ་ནི་སྐྱེས་པ་དང་། བུད་མེད་དང
223a2 མནིང་ངོ་།། ཚིག་འདི་སྐད་ཅེས་བརྗོད་པར་བྱའོ་ཞེས་བྱ་བ་ན།། འདི་སྐད་ཅེས་ཡང་དག་པར་བསྒོ་བར་བྱ་བའོ།། ཚེ་དང་ལྡན་པ་པོ་ཉ་དགེ་སློང་མ་རྣམས་ནི་གོས་ཀྱི་རིན་དག་ལེན་དུ་རུང་བ་མ་ཡིན་ཏེ་ཞེས
223a3 བྱ་བ་ནི། དེ་དག་ལེན་པ་བཅོམ་ལྡན་འདས་ཀྱིས་བཀག་གི། བཅོམ་ལྡན་འདས་ཀྱིས་ཁོ་མོ་ཅག་ལ་ནི་གོས་རུང་བ་རྗེས་སུ་གནང་བའོ།། གལ་ཏེ་ཕོ་ཉིད་དགེ་སློང་མ་དེ་ལ་འདི་སྐད་ཅེས་ཟེར་ན་ཞེས།
223a4 བྱ་བ་ནི་འདྲི་ནའོ།། འཕགས་མ་རྣམས་ཀྱི་ཞལ་ཏ་བགྱིད་པ་ཞེས་བྱ་བ་ནི། འཕགས་མ་རྣམས་ཀྱི་ཞལ་ཏ་ཉམས་སུ་ལེན་པ་གང་ལགས་ཞེས་བྱ་བའོ།། དགེ་སློང་མ་གོས་འདོད་པས་ཞལ་ཏ།
223a5 བྱེད་པ་བསྟན་པར་བྱ་སྟེ་ཞེས་བྱ་བ་ལ། ཀུན་དགའ་རབ་པ་ཞེས་བྱ་བ་ནི་རུང་བ་བྱེད་པའོ།། དགེ་བསྙེན་ཞེས་བྱ་བ་ནི་བསླབ་པའི་གཞི་ལྔ་པའོ།། འདི་དག་ནི་དགེ་སློང་མ་རྣམས་ཀྱི་ཞལ་ཏ་བྱེད
223a6 པ་ཡིན་ནོ་ཞེས་བྱ་བ་ནི། འདི་དག་གིས་དགེ་སློང་མ་དེ་རྣམས་ཀྱི་ཞལ་ཏ་བྱེད་པ་ཉམས་སུ་མྱོང་བའི་ཕྱིར་རོ།། གལ་ཏེ་ཕོ་ཉ་ཞལ་ཏ་བྱེད་པ་གང་ན་བ་དེར་འགྲོ་བར་བྱ་སྟེ་ཕྱིན་ནས་ཞེས་བྱ
223a7 བ་ནི། དེ་ལ་དགོས་པར་རིག་པར་བྱ་བའི་ཕྱིར་ཕྱིན་པའོ།། ཞལ་བྱེད་པ་ཤེས་པར་གྱིས་ཤིག། གོས་ཀྱི་རིན་འདི་དག་ནི་ཞེས་བྱ་བ་ནི། གསེར་དང་དངུལ་དག་རྒྱལ་པོའི
iiif viewer powered by OpenSeadragon
