| e-texts navigator |
| Wylie |
221b1 ཅེས། ཚེ་དང་ལྡན་པ་ཕོ་ཉ་དགེ་སློང་མ་རྣམས་ནི་གོས་ཀྱི་རིན་དག་ལེན་དུ་རུང་བ་མ་ཡིན་པས། ཁོ་མོ་ཅག་ནི་གོས་རུང་བ་དུས་སུ་རྙེད་ན་ནི་ལེན་ཏོ་ཞེས་བརྗོད་པར་བྱའོ།། གལ་ཏེ་ཕོ་ཉིད་དགེ་སློང་མ་དེ་ལ་འདི་སྐད་ཅེས།
221b2 འཕགས་མ་རྣམས་ཀྱི་ཞལ་ཏ་བགྱིད་པ། འཕགས་མ་རྣམས་ཀྱིས་ཞལ་ཏ་ཉམས་སུ་ལེན་པ་གང་ལགས་པ་མཆིས་སམ་ཞེས་ཟེར་ན། དགེ་སློང་མ་གོས་འདོད་པས། ཕོ་ཉ་འདི་དག་ནི་དགེ་སློང་མ་རྣམས
221b3 ཀྱིས་ཞལ་ཏ་ཉམས་སུ་ལེན་པ་ཡིན་ནོ་ཞེས། ཀུན་དགའ་ར་བ་པ་འམ། དགེ་བསྙེན་ཞལ་ཏེ་བྱེད་པ་བསྟན་པར་བྱའོ།། དེ་ནས་ཕོ་ཉ་དེས་ཞལ་ཏ་བྱེད་པ་དེ་ག་ན་བ་དེར་འགྲོ་བར་བྱ་སྟེ་སོན་ནས
221b4 ཞལ་ཏ་བྱེད་པ་ལ་འདི་སྐད་ཅེས། ཚེ་དང་ལྡན་པ་ཞལ་ཏ་བྱེད་པ་ཤེས་པར་གྱིས་ཤིག། དགེ་སློང་མ་འདི་ལྟ་བུ་ཞིག་གི་ཆེད་དུ་གོས་ཀྱི་རིན་འདི་དག་རྒྱལ་པོའམ་ཞེས་བྱ་བ་ནས། དེད་དཔོན་ཞེས་བྱ
221b5 བའི་བར་གྱིས་བསྐུར་བ་ཡིན་གྱིས། ཞལ་ཏ་བྱེད་པ་ཁྱོད་ཀྱིས་གོས་ཀྱི་རིན་འདི་དག་གིས། གོས་འདི་ལྟ་བུ་དང་འདི་ལྟ་བུ་དག་ཉོས་ལ། དགེ་སློང་མ་མིང་འདི་ཞེས་བྱ་བ་འོངས་དང་།། དེ་ལ
221b6 གོས་རུང་བ་དུས་སུ་སྐོན་ཅིག་ཅེས་བརྗོད་པར་བྱའོ།། དེ་ནས་ཕོ་ཉ་དེས་ཞལ་ཏ་བྱེད་པ་དེ་ལ་ཤིན་ཏུ་ལེགས་པར་ཡང་དག་པར་བསྒོ། ཡང་དག་པར་བསྟན་ནས། དགེ་སློང་མ་དེ་གང་ན་བ་དེར
221b7 འགྲོ་བར་བྱ་སྟེ་ཕྱིན་ནས། དགེ་སློང་མ་དེ་ལ་འདི་སྐད་ཅེས་འཕགས་མ་རྣམས་ཀྱི་ཞལ་ཏ་བགྱིད་པ་བསྟན་པ་གང་ལགས་པ་དེ་ལ་བདག་གིས་ཡང་དག་པར་བསྟན་ལགས་ཀྱིས་ཁྱོད་དེའི་དྲུང་དུ
iiif viewer powered by OpenSeadragon
